ما دلالة ومعني اختيار اسمك بهذا المنتدي

وانا مثلك يا مصطفى

شكرا لك اخي مصطفى على طرح الموضوع

الانتساب دائماً لإشي ماهو الا تعظيم للمنتسب اليه وتعلم عظمة الوطن والبلد عندنا خاصة عندما يكون الواحد منا اضطرته الظروف للعمل خارج بلدته - وبما ان اسم الشيخ ابوقرون له ذكر شائع في كل البقاع داخل وخارج السودان بما قدمه للامة من عظيم العمل ( بالذات الخلوة والقران والطريقة الصوفية ) فنجد ان من تعايشهم بتلك البقاع البعيدة عندما تعرفهم بنفسك وبانك من قرية الشيخ ابوقرون تجد اسمك منسوب اليه وهو شرف لمن لاصلة له وشرف وعزة وإباء لمن له الصلة بأسرة الشيخ ابوقرون

انا كنيتي ابوهاجر لانها بنتي

هـــــــــــــــــــــــــع ... لاء ماحوريكم

السلام عليكم ورحمة الله وبركاته
ليك أحلى تحية عسكرية يا أخ مصطفى على الموضوع الرائع ضربت على الوتر الحساس طبعاً أكيد كلنا من أبوقرون بصراحة يا أخ مصطفى أنا بشوف من وجهة نظري إنو لما واحد يدخل بي اسمو الحقيقي في المنتدى حتى ولو طرح مواضيع أو نزل مشاركات أو ....... إلخ طبعاً كلنا بنكون عارفين الشخص دا يعني بيكون ردنا ليهو على أساس إنو شخص معروف أما لو كانت الشخصية مسجلة بي اسم مستعار أو لقب ما معروف قبل كدا أكيد بيكون في نوع من التساؤلات من هذا الشخص يا ترى و من هذه الشخصية الغامضة ؟ ومن هو صاحب هذه الردود والمشاركات الغريبة من نوعها ؟ أعتقد إنو بيكون في نوع من الأكشن يا عمنا نعم وألف نعم للأكشن في حياتنا وكيف لنا أن نعيش بدون أكشن يا عمنا إنت أكشنها وخلي الباقي علي الله ههههههههههههااااااااااااي يعني لازم يكون في نوع من الغموض وبعدين ما شرط كل واحد يدخل بي اسم يكون ليهو معنى أو سبب معين لاختيار هذا الاسم بصراحة عن نفسي أنا بقول إنو أنا اسمي ميدو يا جماعة فيها شي واحد عايز يدلع نفسه في آخر عمره نعم فقدته الدلع وأنا صغير وعايز أتدلع وأنا كبير يا ترى هل ترون هناك مشكلة
؟ ؟ ؟

تقبلو تحياتي ,,,
ميدو أبوقرون

اخفاء الشخصيه في الانترنت شئ ليس جميلا
الااذا كنت تخاف من شئ فى نفسك

بسم الله الرحمن الرحيم
حسب علمي اخفاء الاسم الحقيقي او الوظيفه له دلالات مرتيطه بالعمل الاستخباري واذا اخفي الانسان اسمه او وظيفته غالبا مايكون الغرض هو التوغل في الوسط المعني لجمع معومات اونشرمعلومات ثم الاختفاء وهو امر يجعل من حولك يرتابون من التعاطي معك هذا من وجهة نظري ومع ذلك احترم جدا اي راي مخالف

انا اويد اراء الاخوة رحمة الله والازهر في موضوع الاسم المستعار وخصوصا في منتدانا هذا الشبه خاص بابناء قرية الشيخ ابوقرون .
هناك بعض الاسماء المستعارة اريد ان اعرف من هم
مثل بيشو وطروقا ود الشيخ .....كلهم لازم يرونا من هم عشان نقدر نتفاعل ونتواصل معاهم بكل اريحية وكمان نهزر معاهم ويقولو نكته ونقول حكمة وهكذ دواليبك .
والكلام ده ما معجووووون ....
شكرا....

وازيد ان من الشجاعة ان اقول هاانا وهذا قلمي فاكتب كماقال الازهر بذكاء الثعالب- وشجاعة الاسود-وقوةالنمور-وخفة الثعابين-وحدة النسور ولا اخشي في الحق لومة لائم

موضووع جميل ياابوصطيف يارايق وانا كمان اسمي واضح وداخل بأسمي  الحقيقي 

برضو أنا اسمي و اضح و للزيادة

عبدالرحمن إدريس محمد عبدالرحمن
لكن أغلب الناس بتقول يا عبده .. نعمل شنو؟