لغة الشماسه ولا الشباب !!!!

االسلام عليكم

ا زي ما نحن عارفين الشماسه ديل عندهم مصطلحات ما أنزل الله بها من سلطان وعشان ما تدقس مع واحد منهم نديكم بعض الكلمات عشان تقدرو تتعاملو معاهم واللي بيعرف ما يخجل عادي يورينا (بيني وبينكم انا لقيت روحي بقول اكتر من خمسة كلمات في كلامي ) ..:وعموما دي بقت اللغة الماشة بين الشباب بنات واولاد في السودان .... انا شخصيا بتضحكني والاخترعا دا ما نصيح ,انتا رايك شنو؟؟؟

الجلك :: مقصود بيها الاب ( للاسف ) او الشخص الكبير والانثى ( جلكينه ) ...

الضحاكات :: مقصود بيها القروش وطبعا القروش بتسبب الضحك ..

سلفادور :: مقصود بيها سلف او دين ( يافرده داير لي ضحاكات سلفادور ) ...

عائشه الفلاتيه :: مقصود بيها العشاء (أسمع ياعمك عائشه الفلاتيه وين وشنو ؟؟)

العضه :: مقصود بيها الاكل (امشي اعضي واجيكم يا فرد) ..

كسير التلج :: دي بتتقال لما الشماسي يحس انو الزول القدامو بدافع عن زول صاحب مكانه مرموقه او مرتاح ماديا فبقول ليه ( ما تكسر تلج ) وبتتستعمل كمان لما الواحد يتعامل مع بنت بصورة رقيقه وبحاول يكسب ودها فبقولو عليه ( بكسر تلج )..


الحديده :: مقصود بيها العربيه..
ا
الهواء ضربك :: مقصود بيها انك بقيت ولا حاجه..

مرطب :: مقصود بيها المرتاح ..

فنان :: مقصود بيها الزول الكضاب ( الزول ده فنان خلاص ) ..

فتيحاب :: المعروف انه الفتيحاب ده حي في الخرطوم لكن هنا بستعملوها للزول المشى او الجرى من حاجه ( الزول ده عمل فتيحاب ) ..

شتات :: مقصود بيها انا ماشي ( يلا يا حبه انا شتات او مشتت )..

الحنك :: مقصود بيها الكلام ..

الوهمة :: مقصود بيها البرنامج ( يافرده الوهمة شنو ؟؟ ) او الموضوع (ياعمك الوهمة ماكده انت فاهم غلط ) ...

معاط :: مقصود بيها الزول الكلامه كتير ( الزول ده معاط جنس معاط )..

جر زمن :: مقصود بيها تضيع زمن ( تعال نجر زمن في النادي )

جامد :: بستعملوها لما تعجبهم حاجه ( الحديده دي جامده خلاص ) او لما يتفقو على حاجه ( بجيك بعدين , جامد ياعمك منتظرك )

جوة الجك :: يعني ماشي معاكم الحته الفلانيه ( ماشين السينما , جوة الجك طوالي )

نوبيرا :: مقصود بيها النوم ( انا ماشي اركب النوبيرا ) ماشي انوم خخخخخخخخخ...

كبــس :: مقصود بيها جاء او وصل ( زولك المعاط كبس )

بلف :: مقصود بيها الكمساري ( يابلف ادينا الباقي )

خوجلي عثمان :: مقصود بيها خجلان شديد ( يامعلم الزول ده مالو خوجلي عثمان كده)

فاطمه الجعلي :: مقصود بيها الفطور..

عمر احساس :: مقصود بيها متحسس شوية ولا حساس ( الزول ده عمر احساس جليهو )

الطرب :: مقصود بيها الحفلات ( الليله الطرب وين وبمنو )..

السان :: مقصود بيها الزول ( السان ده منو ) وللانثى ( السانه دي تبعك ؟؟)..

شديده قاطعه + نار منقد :: مقصود بيها البت السمحه ( السانه دي شديده قاطعه ) (ياخي نار منقد بس)

ضهب + نحل + مظلات + كواكب + دبايب + ضفادع :: مقصود بيهم الزول المامعزوم ..

ماشه معاك بالكبري الجديد :: مقصود بيها امورك ماشه عال العال ..

زغبير :: مقصود بيها الزوغه او الهروب ...

الطارة :: مقصود بيها البوليس ..

غطى جالون :: مقصود بيها تمام التمام ( خبرك ياعمك , غطى جالون ياقريبك )

كاسر كرونا :: مقصود بيها الزول العاطل وقاعد بدون شغله ...

الشرتيت :: مقصود بيها القروش ..

قاعد كنب :: مقصود بيها قاعد ساي ( الزول ده قاعد كنب )...

جدعه الف :: مقصود بيها حاجه استايل او حاجه سيستم ..

نكت شماسيه ..

واحدة عملت الحبيب بورقيبة ( حبت ليها واحد)... قام الواحد عمل الضوء قدم الخير (أتقدم لأهلها)....
وأهلها لما عرفوا انو ما عامل كمال شغيل (ماشغال)
... عملوا ليه الجزيرة أبا ( رفضوهو).... الاثنين قاموا عملوا الضوء الشارد (اخدو بعض وشردو )...
وعملوا عقد الجلاد (عقد جواز )... أم البت عرفت الخبر عملت احمد الدوخي (داخت واغمى عليها ...

لو الموضوع فيصل العجب بنعمل ليكم كمال حامد ..

الترجمه :: لو الموضوع عجبكم بنكملو ليكم خخخخخخخخخخخ

هههههههههه
انتظروني قريبا بعد ما انتهي من الامتحانات
في كلام كتييييييير

hhhhhhhhhhhhhhh la lazem t3ml kmal 7amed

رمتالي :يعني زول بتاع ونسة كا مايلقا كوم شباب يقعد يتونس

كده بقو كم شماسي ؟؟؟


يلا واصلو

اليوم انا مرطب وقاعد كنب جيت اضهب بي جاي وقلت اجر زمن لقيت موضوعك جدعه الف قلت ابقي زول فنان و اكسر ليك تلج وبعد داك نوبيرا كبس وانا حا اعمل زغبير عشان ماتقولوا معاط
يالله شتات يافرده

ههههههههههههههههههه
هههههههههههههههههههههههههه


حلـــــــــــــــــــــــــــــــــــــــــــــــــــــــــوة

المشكلة اني متابعة القراية بكل فهم كانو بتتكلم عادي

بس وقفت لي نوبيرا كبس


للأسف

تسلم يا جنابو

انا جاي اعمل كمال حامد وشكلي حأعمل ليكم كمال شداد

شرحبيل احمد / بقولوها لزول الشارنو (لمن وعدوه واخلفو)
سميره دنيا / عايش دنيك ياباشا
الفاره / الزول الداقس
الجنينه / المجنون
الجاحه / الحبيبه
السان / الزول
القش / البنقو
الشمومه / السلسيون
نتشه / حبه او شويه
جهامه / سمين .....

ولنا عوده ومشكووره ياسموية ع البوست الرائع

أيوآآآآآ سمويه قلتي كده أنــآ حــآلتي برة والله العظيم البنات كلهم بيتكلموآ كدآ ,, بقت هنــآ لغتنــآ
هنــآ بيقولوآ {كهــآرب} يعني : قرووش ..
لمآ تجي ترمي وشك وتتحشر في موضوع قالوا لييك {عندنا دكاكين هنآ} يعني : حاجة تتخصنــآ خليك برة ..
وتلقىآ بنات مارين قدام أولاد يقولوآ {مزز} يعني : بنات ..
تتقوم بتحش في جمــآعة وقايلهم ضهبآنين منك ويقولوآ ليك نحنــآ { جوة الجك } يعني فاهمين كل حاجة بتقولهــآ ..
يقول ليك {فلـآنة شرطت الأرض}يعني كسرت الدنيـــآآ بحلاتى
,,
وسكتر أريبا سن مهلبية لدآ كركار ,, ما تصرتي قرقور عمويه سرسر
تحيآآآآتي

عبد الفتاح-معناه جري
عبد الباقي-ربت السنه
عشمانه-العشاء
ظط الاخط-الشغل تمام
نجار-كذاب
من سنه سنه سيئه-مامعناه

شكيت علي الله شكتا لاتتعطل لا تتبطل
والله المستعان

بسم الله الرحمن الرحيم
بالرغم من انني شاركت معكم الا انني لا انصحكم باستخدام هذه المفردات .

رحمة الله ابوقرون كتب:

اليوم انا مرطب وقاعد كنب جيت اضهب بي جاي وقلت اجر زمن لقيت موضوعك جدعه الف قلت ابقي زول فنان و اكسر ليك تلج وبعد داك نوبيرا كبس وانا حا اعمل زغبير عشان ماتقولوا معاط
يالله شتات يافرده

طقني كف اكان قلت ليك فهمت منك حاجه
هههههههههههههههههه

ماقلنا عشان ما تدقسو بس وانتو حايمين بالزات لي ناس برة ديل .....

هسي المحاسبي دا مافهم شي وحالتا ابسط كلمات شماسية

نصيحتي نزل البوست عندك واقعد احفظ فيهو كلو يوم...

ههههههههههههههه ناس البيت حيقولو القراية طارت ليهو في راسو

سمويه كتب:

ماقلنا عشان ما تدقسو بس وانتو حايمين بالزات لي ناس برة ديل .....

هسي المحاسبي دا مافهم شي وحالتا ابسط كلمات شماسية

نصيحتي نزل البوست عندك واقعد احفظ فيهو كلو يوم...

ههههههههههههههه ناس البيت حيقولو القراية طارت ليهو في راسو

والله الا يرسلو لي تذكرة الرجوع ويكونو مستنيني ناس المستشفي في المطار.
ههههههههههههههههههههههه

صاحبنا عامل تفتيحه ركب تسطيحه دقس اتلحس هاكم الشرتيت وانا عامل شتات يافرده

رحمة الله ابوقرون كتب:

صاحبنا عامل تفتيحه ركب تسطيحه دقس اتلحس هاكم الشرتيت وانا عامل شتات يافرده

ههههههههههههههههههه
مافي تعليق no comment

ما اظن في زول فهم زاتو يامحاسبي

baaaaaaack


المحاسبي :شكلو الموضوع عجبك .... استمرررر وماحتندم


رحمة الله : المرة دي غلبتني


ايوة كده (بان واظهر عليك الامان)