المبادرة

موضوع: المبادرة الثلاثاء سبتمبر 01, 2009 3:44 am

بدِّروا لي العمل قد فاز من دَغَّشْ
اصدقوا في الحديث أوعى الْكِضِبْ والغَشْ
لِمُّوا للصفوف ما سمعنا غَطَّ الوَشْ
أصبَعْ مُنْفَرِدْ أوْ سادْ منِ استوحشْ

هيا للتوبة بادر وصحح الإيمان
في دنياكَ تسعد والآخرة راحة ضمان
كُنْ للخير مصدر خليكَ زول (قوود مان)
ترضاك الخُلوق يَفْرَحْبَك الرحمن

موضوع: رد: المبادرة الإثنين سبتمبر 07, 2009 6:07 pm

لي الطاعاتِ بدّر إمكن تموت الآن
قوم سيب الكسل واتأسَّى بالقيمان
عاكِس للهوى والنَّفْسِ والشيطان
في يوم النشور تفرَحْ بِحورْ وجنان

موضوع: رد: المبادرة الخميس سبتمبر 10, 2009 4:48 am

بادر بالزواج قبال تضيع أيامك
إتْزَوَّجْ فقير تلقى اليَسَارْ قِدَّامَك
ما تْفَتِّشْ بعيد عايِنْ بنات اَعمامك
بِسُتْرَنْ حالك انْ جارتْ عليك اعوامك

موضوع: رد: المبادرة الجمعة سبتمبر 11, 2009 6:31 pm

َهيا للتوبة بادر أوْعَى تَصْلَى النار
ما يغرك هواك يلعبَّك الدينار
وَقِّرْ مَنْ سبَقْ آمَنْ بِلا استكبار
يرضاك الإله والجَنَّة نعم الدار

موضوع: رد: المبادرة السبت سبتمبر 12, 2009 5:18 am

ما تْخلِّيني أمدح وشيل صلاتي براي
شارك ياصديق لو ما شِعِِر بالراي
في سوق الأدب خلِّيكَ زول شَرَّاي
وانهض واجتهد وابحث وكون قَرَّاي

لا للتَّعَصُّب لا لهدم الصَّف
داعي الفُرْقَة ظالم واللهِ ما أنْصَفْ
رَبَّنا حَبَّ للزول الوَقَفْ في الصَّفْ
آياتْ بَيِّناتْ نزلت في سورة الصَّفْ

مشكوووور تقبل مروووري

موضوع: رد: المبادرة الجمعة سبتمبر 18, 2009 7:51 pm

ابوعبيده كتب:: مشكوووور تقبل مروووري

مشكور ولدنا أبوعبيدة...........مرورك شرَّفْنا .....بسْ ما تقول لي
معيدين في دنقلا ؟......بلغ تحياتي للوالد............

للإنفاقِ بادر للقريب وضعيف
لي صدقاتَك أخفِي أجرك يزيد تضعيف
قُمْ بالليلِ باكي ناجي الرحيم ولطيف
بَيْنَ يَدِيْهِ أَجْثُو واسْألو التَّخْفيف

موضوع: رد: المبادرة الجمعة سبتمبر 18, 2009 8:09 pm

عمنا المهلاوي
العيد مبارك عليك
اسعدني الكلام البسيط والمعبر الذي تسطره الأقوال بالمبادرة والذي أجده أقصر الطرق لإرسال الرسائل ذات المعاني السامية النابعة من ديننا الحنيف
ونتوقع من سماحتكم المزيد

موضوع: رد: المبادرة الجمعة سبتمبر 18, 2009 8:18 pm

معيدين في دنقلا
تسلم

موضوع: رد: المبادرة السبت سبتمبر 19, 2009 2:56 am

ابو هاجر عثمان كتب:: عمنا المهلاوي
العيد مبارك عليك
اسعدني الكلام البسيط والمعبر الذي تسطره الأقوال بالمبادرة والذي أجده أقصر الطرق لإرسال الرسائل ذات المعاني السامية النابعة من ديننا الحنيف
ونتوقع من سماحتكم المزيد

الغالي أبوهاجر
عيد سعيد وكل عام وأنتم بخير
وكم أنا سعيد بمتابعتك للمبادرة والتي هي محاولة للدعوة للفضائل وكرائم الأخلاق بعبارات موجزة تجنبا للعظة المنثورة التي تَمَلُّها النفوس........

بادِر لذاتِ البينْ اَصْلِحْ رعاك الباري
أَوْصل لي ذويك خَفْ غَضْبَة الجبَّارِ
عُقُوبْة الْبِيَقْطَعْ جاتنا في الأخبارِ
في يوم الحَشِرْ يَرْهَقْ جَبِينُو غبَارِ

موضوع: المبادرة السبت سبتمبر 19, 2009 3:08 am

الاخ الدكتور مشكور علي الرسائل المعبرة والمفيدة

موضوع: رد: المبادرة السبت سبتمبر 19, 2009 3:19 am

احمد الطيب ابوقرون كتب:: الاخ الدكتور مشكور علي الرسائل المعبرة والمفيدة

أخي الحبيب أحمد
كل عام وأنتم بخير
ويشرفني جدا أن يكون من المتابعين لما أكتب رجل بقامتك مع كثرة مشغولياتك وعِظِمِ مسئولياتك وأسأل الله أن يوفقنا جميعا لخدمة هذا الوطن الغالي

موضوع: رد: المبادرة السبت سبتمبر 19, 2009 3:24 pm

لازم للذِّكِرْ فتَنْ الزمان لا تْصيبَك
للقرآنْ تَدَبَّرْ خُذْ مِنُّو وافِي نَصِيبَك
للإيمانِ جَدِّدْ واتَّبِعْ لحبيبك
يُنْجيكْ من هلاكْ يومْ ينْكَشِفْ لَكْ عيبَكْ

موضوع: المبادرة الأربعاء سبتمبر 30, 2009 9:26 pm

أتحفتنا يادكتور ونشيد باشعارك الخاصة التي تسكن العقل وتنير القلب بما فيها من معاني صادقة ومشاعر جياشة . وتقبل مروري

موضوع: المبادرة الأربعاء سبتمبر 30, 2009 9:45 pm

أخي لـن تنـال العلـم إلا بستـة

سأنبيـك عـن تفصيلهـا ببـيـان

ذكاء وحـرص واجتهـاد وبلغـة

وصحبـة أستـاذ وطـول زمــان

موضوع: المبادرة الأربعاء سبتمبر 30, 2009 9:49 pm

أخي لـن تنـال العلـم إلا بستـة

سأنبيـك عـن تفصيلهـا ببـيـان

ذكاء وحـرص واجتهـاد وبلغـة

وصحبـة أستـاذ وطـول زمــان

موضوع: رد: المبادرة الأحد أكتوبر 11, 2009 1:07 am

هشام سعد الطيب كتب:: أتحفتنا يادكتور ونشيد باشعارك الخاصة التي تسكن العقل وتنير القلب بما فيها من معاني صادقة ومشاعر جياشة . وتقبل مروري

مرورك شرف ياهشام وغالي علينا
مِنَّكْ بعتذر شان مدة ما ردينا
فرحانين كتير بِلِقَانا في نادينا
إتْلَمَّ الشَّمِل عَمَّ السرور وادينا

موضوع: رد: المبادرة الإثنين أكتوبر 12, 2009 10:23 am

بين الناس أصلح وادَّكِر (لاخيرَ
إن أوذيت فاصبر وادَّخِر (لا ضيرَ
في (الحج) قد أمرنا (وافعلوا الخيرَ
متى نقبل عليه نَجِدْ له السَّيْرَ

أخلص ياأخوي للكريم يديك ستر الحال
وأمسك في الرسول والزم كلامو القال

الدنيا زايلة وخاينة ودوام فرحها محال
ياما شفنا كيف ناساً نعيمهم زال

ترقص ليهم فرح ترميهم الشبال
باعتهم سريع بي زول جديد بطال

هشام سعد الطيب كتب:: أخلص ياأخوي للكريم يديك ستر الحال
وأمسك في الرسول والزم كلامو القال

الدنيا زايلة وخاينة ودوام فرحها محال
ياما شفنا كيف ناساً نعيمهم زال

ترقص ليهم فرح ترميهم الشبال
باعتهم سريع بي زول جديد بطال

في وقت السحر للهِ انهض قوم
ما تَّابْعَ الكسل تملى الكَرِشْ وُتْنوم
مولانا الرؤوف سيدنا الحليم يا قوم
باسط كفو يغفر لي ذنوبنا عموم

حسن المهلاوي كتب:

هشام سعد الطيب كتب:: أخلص ياأخوي للكريم يديك ستر الحال
وأمسك في الرسول والزم كلامو القال

الدنيا زايلة وخاينة ودوام فرحها محال
ياما شفنا كيف ناساً نعيمهم زال

ترقص ليهم فرح ترميهم الشبال
باعتهم سريع بي زول جديد بطال

في وقت السحر للهِ انهض قوم
ما تَّابْعَ الكسل تملى الكَرِشْ وُتْنوم
مولانا الرؤوف سيدنا الحليم يا قوم
باسط كفو يغفر لي ذنوبنا عموم

قوم لله يازول بي ليلك قوم

ماتابع النوم وفي بحرو تعوم
لله بازول ماتقيف من زكاة او صوم
اطعم المسكين ولي راسو امسح دووم
تدخل للجنة كلام نبينا الصادق الرحوم

موضوع: رد: المبادرة الخميس أكتوبر 29, 2009 10:44 pm

مَالَكْ مِنَّفِخْ ياخينا أصْلَكْ مَذِرَة
وُنْهَايْتَكْ يمين بالله جيفْةً قَذِرَة
بين النُّقْطَتينْ جُوَّاكَ شَايْلَ (الْ.......)
أحْسَنْ ليكْ تَتُوب قد أرْسَلُولَكْ نُذُرَ

موضوع: رد: المبادرة الخميس أكتوبر 29, 2009 11:03 pm

بادر للتقى ومن الصالحات لاتقيف
ماتابع الفساد وماتسمع لكلامهم الرهيف
ولي درب الكرام اعرف وابقى زول حريف
امسك في درب السلف القبيل ومنو لاتقيف
واصل الارحام وللمسكين ادي الرغيف
امسح راس اليتيم وليهو كون خريف

موضوع: رد: المبادرة الخميس أكتوبر 29, 2009 11:16 pm

شكر الاخ المحاسبي
مزيد من التقدم والازدهار
والله المستعان

موضوع: رد: المبادرة الخميس أكتوبر 29, 2009 11:22 pm

الازهر يوسف عثمان عكاشه كتب:: شكر الاخ المحاسبي
مزيد من التقدم والازدهار
والله المستعان

الاستاذ العزيز الازهر شكرا ليك وربنا يديك الصحه والعافيه وكل الشكر يعود للدكتور والشيخ الفاضل المهلاوي فهو الذي شجع الناس الي هذا العمل ونسأل من الله ان يكتب له الاجر ان شاء الله

ومنتظرين من ايديكم المزيد

موضوع: رد: المبادرة الإثنين ديسمبر 21, 2009 12:31 am

كن سمح العشره في الحضر والسفر
ماتزعل الناس وتقابلهم بي كشر
ابقى زول خدوم وجواد وطيب المعشر
يفيدك العمل الصالح يوم وقفة المحشر