| | السفر |  |
|
+2سمويه الازهر يوسف عثمان عكاشه 6 مشترك |
| كاتب الموضوع | رسالة |
|---|
الازهر يوسف عثمان عكاشه
عضو خبير
عدد المساهمات : 374
نقاط : 11221
السٌّمعَة : 6
تاريخ التسجيل : 20/09/2009
العمر : 47
الموقع : ابوقرون
|  موضوع: السفر  الأحد سبتمبر 27, 2009 6:24 pm | |
| هل تعتقدوا انكم انجزتم وانتم خارج الوطن
هل تعتقدون ان السفر كفيل بحل كل المشاكل
الايمكن الرجوع للوطن
الغربه صعبه جدا ربنا يصبركم
والله المستعان | |
|
| | |
سمويه
عضو نشيط
عدد المساهمات : 106
نقاط : 10853
السٌّمعَة : 4
تاريخ التسجيل : 07/09/2009
العمر : 37
| | موضوع: رد: السفر الأربعاء سبتمبر 30, 2009 4:29 am | |
| الغربة صعبة ..
بس السودان أصعب وأصعب وأصعب ...
ولو خيروني حاختار الغربه ... | |
|
| | |
الازهر يوسف عثمان عكاشه
عضو خبير
عدد المساهمات : 374
نقاط : 11221
السٌّمعَة : 6
تاريخ التسجيل : 20/09/2009
العمر : 47
الموقع : ابوقرون
| | موضوع: رد: السفر الأربعاء سبتمبر 30, 2009 3:59 pm | |
| شكرا علي المرور
ربنا يعينك
يا........
والله المستعان | |
|
| | |
سمويه
عضو نشيط
عدد المساهمات : 106
نقاط : 10853
السٌّمعَة : 4
تاريخ التسجيل : 07/09/2009
العمر : 37
| | موضوع: رد: السفر الخميس أكتوبر 01, 2009 3:31 am | |
| البجرب يعيش برة السودان صعب يتأقلم مع الجو لو رجع الا تكون ظروفو مساعداهو أو ما عاش كتير برة والسودان حلو تجيهو زيارة وماتنقطع منو لكن تستقر فيهو لااااااااع ولو بي يدنا نشيل اهلنا كلهم ونهاااجر الله يعين الجميع  | |
|
| | |
الازهر يوسف عثمان عكاشه
عضو خبير
عدد المساهمات : 374
نقاط : 11221
السٌّمعَة : 6
تاريخ التسجيل : 20/09/2009
العمر : 47
الموقع : ابوقرون
| | موضوع: رد: السفر الخميس أكتوبر 01, 2009 4:04 am | |
| الهجره مره لكن الطموح مهم
وربنا يحقق الاماني
يا...........
والله المستعان | |
|
| | |
رحمة الله ابوقرون
عضو خبير
عدد المساهمات : 431
نقاط : 11405
السٌّمعَة : 0
تاريخ التسجيل : 23/09/2009
العمر : 57
الموقع : شركة بترودار لعمليات البترول
| | موضوع: رد: السفر الإثنين أكتوبر 05, 2009 4:03 pm | |
| ارجو مراجعة موضوع مطروح للنقاش باسم طلب استئناف عاجل للمغتربين
| |
|
| | |
سمويه
عضو نشيط
عدد المساهمات : 106
نقاط : 10853
السٌّمعَة : 4
تاريخ التسجيل : 07/09/2009
العمر : 37
| | موضوع: o.k الثلاثاء أكتوبر 06, 2009 8:54 am | |
| معليش يعني  بس عشان الموضوع دا نزل اول ... | |
|
| | |
رحمة الله ابوقرون
عضو خبير
عدد المساهمات : 431
نقاط : 11405
السٌّمعَة : 0
تاريخ التسجيل : 23/09/2009
العمر : 57
الموقع : شركة بترودار لعمليات البترول
| | موضوع: رد: السفر الثلاثاء أكتوبر 06, 2009 4:07 pm | |
| انا اشرت للموضوع فقط للمزيد من الاحاطه واثراء النقاش
| |
|
| | |
الازهر يوسف عثمان عكاشه
عضو خبير
عدد المساهمات : 374
نقاط : 11221
السٌّمعَة : 6
تاريخ التسجيل : 20/09/2009
العمر : 47
الموقع : ابوقرون
| | موضوع: رد: السفر الخميس أكتوبر 08, 2009 12:36 pm | |
| شكر الاخ رحمة الله
والله المستعان | |
|
| | |
هشام سعد الطيب
عضو محترف
عدد المساهمات : 657
نقاط : 12118
السٌّمعَة : 17
تاريخ التسجيل : 25/08/2009
العمر : 51
الموقع : (أين ماتكونوا يدرككم الموت )
| | موضوع: رد: السفر الخميس أكتوبر 08, 2009 6:03 pm | |
| العزيزة بنت العزاز سمويه أسمحي لي بأن أعاتبك قليلاً لأنني في ردك عن الخيار بين السودان والغربة لا أشتم في حديثك حب السودان هذا البلد المعطاء الشامخ بأوليائه وبرئيسه وحكومته وأهله الطيبين ومن المؤكد أن المغتربين (الرجال) يعانون أكبر معاناة من الغربة ومعاملة مستخدميهم وقد سمعت بأذني ذلك مراراً وتكراراً اللهم إلا من رحم ربي وأعني أن القليل من يعيش في غربة دون أن يتعرض لإساءة أو ضغوط نفسية أو شوق جارف لبلده الذي ترعرع فيه وأرجوا أن تقرأي هذه القصيدة التي كتبها الشاعر العملاق / إسماعيل حسن الذي يقول فيها :
بلادي يابلادي اهلا يا بلادي
الف تحية ليكي من الفؤادي
بلادي بلادي اهلا يا بلادي
صدورنا حماية ليكي من الاعادي
بلادي انا بلاد ناسا مواريثم في اول شي كتاب الله
وخيل مشدود وسيف مسلول حداهو درع
تقاقيبن تسد الليل مع الحيران وشيخا في الخلاوي ورع
والله كم نخلاتا تهبهب في جروفا الساق
بقرة حلوبة تتضرع وليها ضرع
وساقية تصحي الليل مع الفجراوي
يبكي الليل ويدلق في جداولو دمع
يخدر في بلادي سلام
خدرة شاربة موية النيل
تزغرد في البوادي زرع
بلادي سهول بلادي حقول
بلادي الجنة للشافوها او للبرّة بيها سمع
بلاد ناسا تكرم الضيف
حتى الطير يجيها جعان ومن اطراف تكيها شبع
تشيل الناس وكل الناس وسع بي خيرو لينا يسع
وتدفق مياه النيل على الخيران
بياض الفضة في وهج الهجير بيشع
بلادي الصفقة والطنبور
داراتا تنح باليل
بنوتا تحاكي الخيل
تشابن زي جدي الريل
وشبالا مكنتل في الطريفو ودع
بلادي بلاد من التاريخ
من تيرهاقا لا عن ميسنا
حتى ان جاي خيرو تروع
بلادي امان بلادي حنان وناسا حُنان
يكفكفوا دمعة المفجوع
يحبوا الدار
يموتو عشان حقوق الجار
يخوضو النار عشان فد دمعة
كيف الحال لو شافوها سايلة دموع
ديل اهلي ديل اهلي
يبدو الغير علي زاتم
يقسموا اللقمة بيناتم
يدو الزاد حتى ان كان مصيرم جوع
ديل اهلي البقيف في الدارة وسط الدارة واتنبر وأقول للدنيا ديل اهلي
عرب ممزوجة بي دم الزنوج الحارة
ديل قبيلتي لمن ادور افصل لليدور فصلي
اصحاب روحي والاحساس وسافر في بحار شوقم زمان عقلي
اقول بعضي الاقيهم تسربو في مسارب الروح
يقو كلي
محل قبلت القاهم معاي معاي زي ضلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي
وكان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
واهل الحارة ما أهلي
وأخيراً لاتزعلي مني ولك العتبى حتى ترضي ....!!!! | |
|
| | |
الازهر يوسف عثمان عكاشه
عضو خبير
عدد المساهمات : 374
نقاط : 11221
السٌّمعَة : 6
تاريخ التسجيل : 20/09/2009
العمر : 47
الموقع : ابوقرون
| | موضوع: رد: السفر الخميس أكتوبر 08, 2009 9:13 pm | |
| الدير يشيل يشيل لم يتعب يخت
والله المستعان | |
|
| | |
سمويه
عضو نشيط
عدد المساهمات : 106
نقاط : 10853
السٌّمعَة : 4
تاريخ التسجيل : 07/09/2009
العمر : 37
| | موضوع: رد: السفر الجمعة أكتوبر 09, 2009 9:19 am | |
| كلامك مابزعل باالعكس ... أولا عايزة أقول ليك انو الغربة بالنسبة لينا ماغربة احنا اتولدنا هنا واتربيينا هنا وزكرياتنا هنا واصحابنا زي أهلنا واحد... تانيا ماعارفة لكن احتمال السعودية غير فيها مزايا مبالغه بلد آمنه جدا يعني لمن تسمع ناس فلان نطا ليهم حرامي بالليل دي في االسنه مرة ولا مافي زاتو وكلب ماري في الشارع سااااااي مافي , فيها خصوصية لمن مرات تزهج والسودان معدومه الخصوصية فيهو وهي مهمه شديد .... بالزات من الناحية الدينيه يعني تربيتك انتا , المدرسة ,المسجد ,المكتبات ,حلق القرآن ,الجمعيات الخيرية, اي حاجه حولينك بتساعدك يعني انتا خت ولدك في الحته العايزا وانت مطمن , ياخي فيها ناس (مطوعين) علي قولهم ديل ماشاء الله بس يمكن احسن منهم الصحابة (دامامعناتو ما فيها االكعب لا زيها زي اي بلد ) بس انتا شفتها وعاارف انها بلد مكة والمدينه وبعدين عندهم قروش بتساعدهم في اي شي والمغترب ماخسران اكتر من ماهو مستفيد حتى لو عاش عيشة كريمه , السودان دا ماعندك قروش بتتعب شديد... وبعدين اناقلتا بحب السودان وعندي ناس ما بقدر استغنى عنهم غير اهلي وبحب عمر البشير وبموووووت في ابوقرون لو ملاحظ انا اكتر واحده في اخواني بجيها  ,لكن كمان مابقدر استغى عن السعودية وبالزات الاحساء الحتا الاتولدتتا فيها وعشتا فيها احلى ايام  الا الظروف تجبرني ... وبالنسبة للكلام القلتو انو الكفلا بعاملو المكفولين بتعاينهم بي حقاارة صح فيي , لكن لو طلع الواحد متعلم من السودان واشتغل في القطااع الحكومي مافي زول بيسألو وحتى في الخاص انتا بشهادتك واالحكاية توفيق لو وقعت عند ود حلال امك داعية ليك بس كمان لو حظك كعب ووقعت عند (مطيري) ديل اكعب ناس عندهم طبعا دقسستا دقسة شينه , انشاء الله ما تتطرا ياخال تطلعع من السودان حبيبك دا وويرزقك في محلك .... وبالمناسبة القصيدة مبالغه دي غنية مش؟ تصور كيف يكون الحال لو ماكنتت سعودي  تصور كيف يكون الحال لو ماكنتا اماراتي ... ياسلام ديل كمان حاجة تانية!  | |
|
| | |
الازهر يوسف عثمان عكاشه
عضو خبير
عدد المساهمات : 374
نقاط : 11221
السٌّمعَة : 6
تاريخ التسجيل : 20/09/2009
العمر : 47
الموقع : ابوقرون
| | موضوع: رد: السفر الجمعة أكتوبر 09, 2009 11:51 am | |
| الحديث حديث اليوم والامس
ربنا يستر علينا
والله المستعان | |
|
| | |
عمر يوسف
عضو متوسط
عدد المساهمات : 83
نقاط : 10858
السٌّمعَة : 0
تاريخ التسجيل : 21/08/2009
| | موضوع: رد: السفر السبت أكتوبر 31, 2009 3:54 pm | |
| - الازهر يوسف عثمان عكاشه كتب:
- هل تعتقدوا انكم انجزتم وانتم خارج الوطن
هل تعتقدون ان السفر كفيل بحل كل المشاكل
الايمكن الرجوع للوطن
الغربه صعبه جدا ربنا يصبركم
والله المستعان تسلم ابوالزهووور ومع اني انا بشوف السفر احسن وسيلة لسد المتطلبات وتحقيق الاماني ولكن لنيل ذلك يتأوه ويتعذب وغير ذلك من المشاكل ولكن ليست عيبا ان يغترب احد بالخارج فمن العكس هو نجاح وطموح وجهاد | |
|
| | |
عمر يوسف
عضو متوسط
عدد المساهمات : 83
نقاط : 10858
السٌّمعَة : 0
تاريخ التسجيل : 21/08/2009
| | موضوع: رد: السفر السبت أكتوبر 31, 2009 4:02 pm | |
| - هشام سعد الطيب كتب:
- العزيزة بنت العزاز سمويه أسمحي لي بأن أعاتبك قليلاً لأنني في ردك عن الخيار بين السودان والغربة لا أشتم في حديثك حب السودان هذا البلد المعطاء الشامخ بأوليائه وبرئيسه وحكومته وأهله الطيبين ومن المؤكد أن المغتربين (الرجال) يعانون أكبر معاناة من الغربة ومعاملة مستخدميهم وقد سمعت بأذني ذلك مراراً وتكراراً اللهم إلا من رحم ربي وأعني أن القليل من يعيش في غربة دون أن يتعرض لإساءة أو ضغوط نفسية أو شوق جارف لبلده الذي ترعرع فيه وأرجوا أن تقرأي هذه القصيدة التي كتبها الشاعر العملاق / إسماعيل حسن الذي يقول فيها :
تسلم يااطيب انسان علي الكلام الجميل الذي يعكس حبك لهذا الشعب الذي يمتاز
بالحنية والطيبة ويؤثرون بأنفسهم ولو كانت بهم خصاصة وكلامك ثمح شديد بس سمويه دي ماحاتقتنع ليك ههههههههوحتجيب ليك ضغط وسكري ههههههههوتسلمي كتيير ياسموية
....!!!! | |
|
| | |
الازهر يوسف عثمان عكاشه
عضو خبير
عدد المساهمات : 374
نقاط : 11221
السٌّمعَة : 6
تاريخ التسجيل : 20/09/2009
العمر : 47
الموقع : ابوقرون
| | موضوع: رد: السفر الأحد نوفمبر 01, 2009 2:35 pm | |
| | |
|
| | |
mohamed ismail
عدد المساهمات : 8
نقاط : 10592
السٌّمعَة : 0
تاريخ التسجيل : 13/11/2009
العمر : 34
الموقع : اوكرانيا
| | موضوع: رد: السفر الجمعة نوفمبر 13, 2009 3:52 pm | |
|
عدل سابقا من قبل mohamed ismail في الجمعة نوفمبر 13, 2009 3:59 pm عدل 1 مرات | |
|
| | |
mohamed ismail
عدد المساهمات : 8
نقاط : 10592
السٌّمعَة : 0
تاريخ التسجيل : 13/11/2009
العمر : 34
الموقع : اوكرانيا
| | موضوع: رد: السفر الجمعة نوفمبر 13, 2009 3:57 pm | |
| | |
|
| | |
الازهر يوسف عثمان عكاشه
عضو خبير
عدد المساهمات : 374
نقاط : 11221
السٌّمعَة : 6
تاريخ التسجيل : 20/09/2009
العمر : 47
الموقع : ابوقرون
| | موضوع: رد: السفر السبت نوفمبر 14, 2009 2:38 pm | |
| مشكور الاخ اسماعيل
ارجومنك متابعة مواضيعي
والله المستعان | |
|
| | |
| | السفر | |
|
