من أدبنا الشعبي ( أولاد دقيدق )

الأحباب في منتدانا الحبيب
تحية حب واِحترام
في هذه المساحه سأُعطر مسامعكم
ببعض الأدب الجميل
وهو شعر دوبيت ممتاز
لأولاد دقيدق

أبدأ ليكم بي مربوعه ل علي ود دقيدق
بالياء لولت الملك يا أخوان
دبورة ومقص والتالت النيشان
معشوقك هلك يا بنيه ليهو زمان
جنيبة الرطب العجامه في ام درمان

[url] من أدبنا الشعبي ( أولاد دقيدق ) Noor-LMOO

من أدبنا الشعبي ( أولاد دقيدق ) Noor-LMOO

[/url]

مصطفي ابوقرون كتب:: الأحباب في منتدانا الحبيب
تحية حب واِحترام
في هذه المساحه سأُعطر مسامعكم
ببعض الأدب الجميل
وهو شعر دوبيت ممتاز
لأولاد دقيدق

مشكور أخي مصطفى على المشاركة ومنتظرين المزيد

سردوب ابوقرون كتب:

مصطفي ابوقرون كتب:: الأحباب في منتدانا الحبيب
تحية حب واِحترام
في هذه المساحه سأُعطر مسامعكم
ببعض الأدب الجميل
وهو شعر دوبيت ممتاز
لأولاد دقيدق

مشكور أخي مصطفى على المشاركة ومنتظرين المزيد

في القريب العاجل اخي سردوب
انشاء الله أنزّل ليك كميه كبيره من شعر أولاد دقيدق

انس محمد حسن كتب:

أحسنت ياود على والمذيد المذيد .

هشام سعد الطيب كتب:: أحسنت ياود على والمذيد المذيد .

تسلم يا حبيب

و الله فعلاً أُريد أن أُوثِّق
لمثل هؤلاء

لكن الزمن و الماده
لا رصيد في ال mdsl
و لا كمبيتر
مرات بشد لي كمبيوتر
و مرات ...........

لكن بسأل ربنا يوفقني في التوثيق

بنقول يااااااااااااا رب

قال علي ود دقيدق

أول بادي ميّــه و تانــي أُربعميه
تلاتيــن إسمهـا آبتفهمــوا الكليّه
واحد و أربعين ،خمسين حروف النيّه
سبعين قال : هدا سببـي المنوسر بيّا

محلاً سكونو دايماً في الفؤاد يالطيف
جيده غزال قوامه البان جليده قطيف
علوم المعني قاريها و نفي التعطيف
منهُ بقت تجيني الخلعه لو في الطيف

جفلـن روقلـن قلع البريمســي نفنّو
تابعـات الجفـاف شـق الهرب ببرنّو
شِن مرض اللبيب من دون تعب ما بجنّو
هِـن إن جوزرن معشـوقــن يتناسنُّو

جنيات السنين مِدِّرّعيــن النمّه
آبعرفوا حروف النازلات بي عمِّ
الخلاني فوق درب البنات أتهمّى
الضايق جلوس باكريـه آ بتحمى

سبعين جاب نظام فوق البنات كل ليله
قناصن عنــود ماني المسمي خِميله
فوسيبة الترى الساقـي البحر بي ليله
يـا شدرة نخيل عجـوه المرق قنديله

ِ

موضوع: مجادعات الثلاثاء نوفمبر 03, 2009 4:07 pm

مجادعات

قال علي ود دقيدق :
ريد ال ما بريدك أصلـو مــا ببقالك
بي ضحكو و مُزاحو إياهو خارب بالك
آه يا الجيلي من نار البتول فـي خالك
و قوم يـا علــي القعده مـا بتبقالك

رد عليه مصطفي علي :
ريد ال مـا بريدك أصلو تب مو خايل
بي ضحكو و مُزاحو خلّي فكرك جايل
آه من نار فلانـه عاملــه فيَّ عمايل
قوم يـا مصطفـي القُعاد بدورلو دلايل

قال أحد شُعراء الشكريه :

أُم درعـه اللسانـــي مأدبه يشكرها
أمسـي يقطر الدم فـي فؤادي عقرها
مـي قريزينــة حريماً لفظها مفقرها
فيها سماح شعاع و حماني ما أواقرها

ردّ عليه صالح الجيلي :

مالكه عسينه نافره و سارحه بي سادرها
دي الدرعا الدوام في بالـي ما مودرها
مربـوعة القوام فــات الردف قادرها
كتير بارد التلــوج نيرانـه ما بفدرها

و ردّ أيضاً عاول ود دقيدق

منبرمه و جميله خدّاده و الكفل حادرها
في جيل الزمن ما لقيت من بيملأ قدرها
بالهندي السنين يوت في العواتي غدرها
خليك غادي من سلحــاته ما تبادرها

الفنجري :
يا من لي نِدا الملهوف تصبق الصيحه
أمست حالتـي من نيران فلانه قبيحه
شتلة قايد الممنــوع شراها و بيحه
حرس الشرقه مسّكه ديدبان الطيحه

ردّ عليه عاول ود دقيدق :
يا من عندك الملهوف دعـوته مُجيبه
أمست حالتي من نيران فلانه صعيبه
شتلة قـايد الممنــوع شراها وبيعه
حرس الشرقــه مسّكه ديدبان الغيبه

قال الصديق ود علي ود البتاب :
وين يا جريعة العسل التملّي بنوني
وين الفرقو سبب ليّـا نسمة نوني
جود يا باري كون فــي عوني
ظاهر في ألم عكّر صفايا و لوني

ردّ عليه عاول ود دقيدق
تعــال بديــك رجز فــي فنوني
حب دغس العيون هيّج عليّــا جنوني
ربيع القامه أدعج مُـو القصير الدوني
أنا النوم منّــو أزمنت و جفنُّو عيوني
نهمــت الصـــالحيــن يلفـوني
غوّر جرحو شال القيح فقع في بطوني
أنا إنْ ما نقيت موزه و دكم بي سنوني
عقب إن جابو كافة الحُكماء ما بداووني

مشكور الاخ مصطفي على النزهة في دروب الدوبيت وادبنا الشعبي ، وارجو اسمح لى بمساهمة معك وهي رميه سمعتها من صلاح بن البادية تقول :-

اح يا الوحييييييح الما بتفارق قلبي
اح من نار فلانة وجرحها النوسربي
عاد ياروحي ما تتكدري وتنسلبي
الحظ ما بيدوم يوم غالبة ويوم تنغلبي

أول مرة اسمع لي اولاد دقيدق .. و الله ماشاء الله ما هينين .... زيدونا بالله بعد ضوقتونا ما تنقطعو .. وربنا يعينك علينا و على طلباتنا يا مصطفى .... وكل ما تنزل كتير الناس بتحفظ و تراثنا ما بضيع

» الشعر.. والشعر الشعبي