نكات متفرقة

ههاهاهاها

قالو اتنين اتحدوهم منو البرفع الضغط أكتر منو
الاول قاال ليهم أدوني تلفون
ضرب ليهو رقم عشوائي .. ردت ليهو بنت قال ليهاا : سلام عليكم مصطفى موجود ؟
البت قاالت ليهو معليش النمرة غلط
قال ليها :طيب شكرا
رفع السماعة تاني و ضرب نفس الرقم
ردت البت قال ليها : السلام عليكم مصطفى موجود؟
قالت ليهو: ما قلت ليك النمرة غلط
قال ليها : طيب شكرا

رفع السماعة تااني و ضرب نفس الرقم
ردت البت قاال ليها : السلام عليكم مصطفى موجود؟
البت جاطت و كوركت و قالت ليهو رقمك ظهر عندي و بوديهو البوليس

قال ليهم خلاص انا دي رفعت ضغطها

قالو للتاني دورك

الزول التاني رفع السماعة وضرب الرقم الضرب ليهو الزو الاول نفسو
ردت ليهو البت نفسها : الو نعم ؟

قال ليها: السلام عليكم انا مصطفى في زول ضرب لي هنا ؟

نكاتكم جميلة جداً ياعثمان وعبدو ومستنيين بيها اليوم الأسود ..!!! وبمناسبة اليوم الأسود قالو في واحد لاقاهو قاطع طريق في الشاراع مسكو دقاهو وأخذ كل ماعندو وفي الطريق لاقاهو آخر فسألهو مالك يازول مبهدل كدة قال ليهو والله لاقاني قاطع طريق وبشتن بي حالي فلاحظ الأخر أنه يحمل سكين في ضراعوا فقال ليهو والسكين دي لابسها لي شنو فرد لابسها لليوم الأسود فقال ليهو إنت حيوان في يوم أسود حايمر عليك أكثر من ده ...؟؟؟
بايخة موش كدة ..!!

رباطابيات

رباطابي شاف عتود اسود واضنينو بيض قال مالو دا عامل زي البنطلون القالبين جيوبو

شايقي جاء لرباطابي قال ليه انا بقيت شاعر وقام قرأ ليه
ما بين الشتاء والفواصل حبك سكن المفاصل

الرباطابي قال ليةانت ما شاعر انت عندك رطوبة امشى اكشف

رباطابي مره بي جماعه من اهلنا الهدندوة بشربو في قهوة
وكانوا لابسين لبستم المعروفة الواحد يكون لابس سروال طويل
وباقي جسمو عريان ورابط العمه خلف خلاف
الرباطابي قاليهم يا اخوانا داير لي فنجان جبنة
نط واحد من الهدندوة قاليهو ياخي انتو سحارين ما بنديك
الرباطابي قاليهو عليك الله انت هسي يسحرو ليك شنو زي الفانوس القزازتو مكسرة

شافع رباطابي شايلو جردقة في صينية بيعرضها للبيع عند محطة قطار أبوحمد ، شايقية راكبة القطر مدت راسا قالت ليهو ها جني الجردقي بي كم ، الشافع رفع راسو وقال بالفين ، ردت الشايقة كيفن بالفين مي وطي ، رد الشافع تطي العقرب وكت وطي ما تنزلي تخمي

رباطابى نزل ضيف عند جماعة وكان عندهم تيس فى الزريبة جنب الصالون عنده نزلة الليل كله يعطس...الصباح بدرى سيد البيت جا وسال الرباطابى" ان شاء الله نمت كويس؟؟ الرباطابى قال ليه
انوم بى وين لى تيسك ده التقول مكوجى مقابل

رباطابي عسكري مرور .. بلغوه أنو في باص إنقلب .. مشى مكان الحادث لقى الناس كلها ميتين ماعدا واحد .. قال ليهو : أها يالصـــــندوق الأســـــود .. الحادث حصل كيف