ياهو ده السودان

نقلاً عن صحيفة الرأي العام العدد 23332345
بتاريخ : 25 مارس 2050
السودان يلوح بفرض عقوبات على بريطانيا، إن لم تتخذ الاخيرة إجراءت جادة في شأن النزاع القائم في غرب أوربا.
*الخرطوم ترسل تعزيزات أمنية لمنطقة شمال المسسبي، والناقلة الحربية (اللعوتة) تصل المياه الاقليمية في البحر المتوسط لوقف حمام الدم بإيطاليا.
* انهيار لناطحة سحاب بشرقي مدينة (حجر الطير) تؤدي بحياة المئات.
* فوز فريق هلال الحيصاحيصا على فريق برشلونة الاسبانى 7 / صفر .
* إكتشاف طبي جديد ... علاج مرض الايدز فى منطقة (نشارة الدوم.(
* سقوط القمر التجسسي السوداني في البحر الابيض المتوسط، والخرطوم تنفي
امتلاكها له ...
* مجلس بلـدى (الـشقلــة عوج الدرب) يمنـع إستيــراد أى ثلاجـة أو بوتوجـاز ليس لهـا أى بى أدرس، ولا يمكن توصيلهـا بالإنتـرنت.
* السودان يعلن عن إيقاف اصدار تأشيرات عمل جديدة للسعودين ضمن اطار جهود
السودنة والاكتفاء الذاتي الجدير بالذكر ان العمالة السعودية بالسودان تشكل الاغلبية الساحقة وتلقى معاملة سيئة للغاية .
*رئيسة جمهورية السودان السيدة مريم بنت الحسين تجري مباحثات مع نظيرتها المصرية نانسي جمال مبارك. حضر اللقاء من الجانب السوداني رئيسة الوزراء والسيدات : وزيرة الخارجية, وزيرة الاقتصاد, وزيرة الاعلام, وزيرة الصناعة والتعدين, وزيرة التكنولوجيا والمعلوماتية واعتذر عن الحضور السيد وزير الشئون الاجتماعية لظروف طارئة .
*بطلة السباحة السودانية (اماني محمد عثمان) تحرز 10 ميداليات ذهبيات في اولمبياد مدغشقر
*السودان يحث دول الخليج على الوفاء بسداد ما عليها من ديون مستحقة له .
* فوز الفلم السودانى (السخلة الزرقاء) فى مهرجان كان السينمائى.
*افتتاح مترو الانفاق الجديد بين الخرطوم ومدنى.
* خفر السواحل السوداني يحتجز سفينة محملة بمهاجرين المان، سلطات الهجرة ترفض ادخال المهاجرين و تقدم لهم العلاج في عرض البحر عبر حاملات الطائرات السودانية. لانها لم تتأكد من هوياتهم بعد.
* توفي خمسة أشخاص وأصيب آخرون في ميناء بورتسودان الذي شهد تدافعا للمغتربين السودانيين العائدين من دول المهجر إثر قرار الحكومة السودانية إعفاء الضرائب على المغتربين والسماح لهم بإدخال ممتلكاتهم لوطنهم ومساعدتهم على إعادة التوطين.
*الولايات المتحدة الامريكية تطلب من رئيس جمهورية السودان ارسال معونة عاجلة لمجابهة الخسائر التي حدثت اثناء اعصار كاترينا،
والرئيس يرفض.
هذا مجرد حلم نحلم به في تطور السودان ولكن هل سيتحق

ههههههههههههههههههههههههههاى

قولـــــــــوا آميــــــــــــــــن بس

صبراً جميل والله المستعان على ماتصفون ؟؟؟؟؟
لكن مابعيدة على الله والسعودية خير مثال فماذا كان حالها قبل 50 عاماُ !!!؟؟؟؟

ولا تنس ذوو العيون الضيقه من سكان شرق آسيا هشام .. كيف كان حالهم وكيف اصبح

مابعيده ع ربنا .. مشكور ع مرورك

بت ابوقرون / مشكوووره ع مرورك

كيف ياأبوحميد شيو قاطع الحركة والأخبار والمشاركات ؟؟؟؟ ساااااائل منك وقالو مدور في منتدى أهلك ناس الباكراب .. مابلومك لكن أظن أبوقرون أيضاً قريتك وعندها عليك حق !!! عشمنا فيك كبير .وإليك قصيدة سوف تريحك كثير حتى ولو أصبحنا مثل أقل دولة ...!!!! :

الشاعر السوداني / إسماعيل حسن

بلادي بلادي أهلاً يابلادي صدورنا حماية ليك من الأعادي
بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره
وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي ، لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا، معايا زي ضلى
لو ما جيت من زي ديل..
كان ،أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي

أبدآ والله ياهشام .. مع اني مشرف هناك بس مادخلت غير مره واحده .. وابوقرون حقها علينا كتير
وانا افتخر إني من ابوقرون
‏*‏************
وكان ماجيت من زي ديل
وآ أسفاي وآ مأسآتي وآ ذلي

» السودان انا المسلم
» عووووك ياهو .. الناس دي وينا؟؟؟؟؟
» واحد بوصف مكان بيت في السودان
» النشيد الذى يعشقهو الاسلامين فى السودان