اشتقنا لي ابوقرون

اشــتــقــنا لي ابوقـرون وريحة التراب
ناســاً عــــزاز وخـــــلــوة وقــــبـــاب
وجـهــأ صبـــــوح وبـــخــرة وحجاب
ريحة دعاش وبرقاً لمع وسط السحاب
ونســة وضــحك ولمـــت صـــحــاب
نـاســاً حــنــان ومـــرحــب حــبــاب

الله ما اروع شوقك

و نحن قاعدين فيها وبرضو مشتاقين ليها

تسلم أخي سردوب

الكلام حلو و جميل

مصطفي ابوقرون كتب:: الله ما اروع شوقك

و نحن قاعدين فيها وبرضو مشتاقين ليها

تسلم أخي سردوب

الكلام حلو و جميل

مشكور أخي مصطفى على المرور وحب هذه القرية الجميلة متاصل في كل أبنائعها

والله هي قرية ساحرة تسحر عقول ابنائها وهم مولعون بها .
ظلها لطيف وصباحها جميل مزين باصوات العصافير وحفيف الهواء الطلق ,وليلها المدلهم الدامس المجمل بعواء الكلاب المنتظمة في ايقاع واحد تحيي اهلها حتى بزوغ الفجر ,,
وخروج قرص الشمس الصباحي في منظر رهيب بهي يستقبله اهلها بشرب الجبنات التقيله , والشواهي البي لبن بجميع النكهات وعلى مختلف الاذواق ,فمنهم من يشربه بنكهة الزنجبيل متغزلا بكبايته اللامعة المزخرفة ويخاطب نفسه سأشربك ولوكنت ساخنا....
فاذا طلعت الشمس انتشر الجميع في الارض يروحون ويجوبون ,فمن طالب ومعلم وموظف وعامل ........... للحديث بقية................

حنيني اليك وليل الغربة اضناني
وطيف ذكراك بدمع القلب بكاني
اقول ياريت زماني الفات يعود تاني

سردوب ابوقرون كتب:: مشكور أخي مصطفى على المرور وحب هذه القرية الجميلة متاصل في كل أبنائها

تسلم يا حبيب

الخبر الأكيد .. قالوا البُطانة اترشَّت
ساريةً تبقبق للصباح ما انفشَّت
هاج فحل أم صريصر والمنايح بشَّت
وبت أم سايق علي طرف الفريق اتعشت

البلد في إنتظاركم للتعمير والتحرير والتخضير .
وتمر أيام وتتعدى ياأبو محمد وتكونو معانا لتنعم في حضن الوطن الواسع والحنين ونحضر معا عرس أبن وبنت عمتنا ولا عندك راي تاني . تقبل مروري

محاوله
هاك اسمع شعري ده شعر مجاني
شعر عربي لا لاوندي ولا رطاني
كتبتو كتابة زول عجلاني
اشتقنا لي ابقران شوقة عشوق طرباني
راجين الكريم نرجع سررريع طيراني
نشوف ابواتنا والاخوة والحباني

» شكرا اعضاء الشيخ ابوقرون.......شكرا احمد الطيب ابوقرون...... شكرا ابوهاجر عثمان
» ابوقرون
» الي كل ناس ابوقرون الطيبين
» الشيخ ابوقرون
» النيل ابوقرون