- بيشو كتب:
- السلآم عليكم ورحمة الله...
كل سنه وانتو طيبين والسنه الجاية تتحقق كل أمنايتكم
والله في موضوع حارقني شديد من زمان وماعارفة اقولو كيف ... 
بصرااحة سردوب نزل الموضوع داا وكمان مثبت بس مافي اي استجابة للكلام اللي اتقال,طبعا انا ماعضو مهم في المنتدى نهائي لكن الكلام زاد عن حدو المنتدى المشاركين فيهو اقل من 50 زول والمشاركات 100000000000000 وكلها مواضيع سطر ولا سطرين وبدون ردود مع انها اغلبا حلوة ومفيده بس بتدور حولين فهم معين واسلوب واحد مافي ابتكار ولا تجديد و مافي طريقة تقرا دا ولا دا ولا ترد علي اي واحد اغلب الناس الهنا بخشو المنتدى دقايق بس مشغولين و مايعرفو يلحقو علي ياتو موضوع وكل يوم اكون عايزة اكتب ما بقدر من كترة المواضيع وبعدين احنا بنزل موضوع عشان نتناقش فيهو وااي زول يكتب رايو مش كل زول براااهو بس يخش يكتب ويطلع (موضوعين نتناقش فيهم كلنا احسن من تشليون واحد مافي رد ولا تعليق ) !!!
ياريت الااعضاء يهتمو ويقدرووو... بدون زعل ,
وبقترح للادارة يمسحو اي موضوع مكرر اولا وتانيا حاليا يصفو المواضيع المهمه والتانيه يودوها قسم تاني لو ممكن (المواضيع المكررة) أو يحذفوها ويحددو لي الزول موضوع واحد في اليوم مايزيد عشان تحصرو المشاركات والناس تستفيد وتفيد
مع خالص تحياتي
وبعتذر ..... 
السلام عليكم ورحمة الله وبركاته
أشكرالأخت بيشو على مشاركاتها وعلى مرورها على الموضوع دا ولكن لا حياة لمن تنادي ...
أعضاء منتدانا الغالي ... عارف إني بقيت تقيل وكلامي بقى بدون فائدة ولكني أنصح نفسي قبلكم وأوجه الكلام لنفسي قبلكم " أخواني وأخواتي "
لا يكن همك أيها العضو تجميع مشاركات ولكن أجعل همك في تطبيق ما قرأت من فائدة
لا يكن همك الاسراع في الرد ولكن اجعل التأني شعارك ودليلك
لا يكن همك فلسفة الرد ولكن رد بتلقائية مطلقة تكن أجمل
لا يكن همك المجاملة بل اهتم بالنقد البناء
أجعل لردك تميزاً لأن التميز جميل ويميزك
تمهل في قراءة الموضوع حتى تجمع رداً جميلاً مناسباً
ليكن شعارك رفعة ورقى المنتدى والسمو بموضوعاته
فربما صاحب مشاركات قليلة ولكنة عضو ينتظر الآخرين مشاركاته بشغف ولهفة لما فيها من فائدة وكلام جميل واقتراحات جيدة تصب في مصلحة المجتمع والمنتدى
ولكن نلاحظ أحيانا انه هناك مجموعة يهمها كثرة المشاركات فقط ولو نظرت إلى مشاركاتهم لوجدتها خالية من الإبداع ومن الحكم والكلام الجميل دون تحديد أسماء طبعاً ..... يعني بقينا للأسف الشديد في سباق الموضوعات كل واحد عايز ينزل مواضيع بس عشان يدخل قائمة أفضل 10 أعضاء ويكتر مشاركاته تخيلو يا جماعة إنو في أعضاء وأنا متأكد إنهم ما بيقروا حتى المواضيع اللي بينزلوها يعني شغلهم قص ولزق بس , ليه نحنا ما نشوف المواضيع الموجودة ونحاول نرد عليها ونشارك ونناقش وبي كدا نكون أفدنا واستفدنا لكن بالطريقة دي مافي فايدة إذا كان في شخص بينزل موضوع مستني الرد من الأعضاء وبيلقى الأعضاء مشغولين في تنزيل مواضيع جديده وبتفاجأ إنو موضوعه خالي من المشاركات .
يا أعضاء المنتدى إنتو متخيلين إنو كترة المشاركات وتنزيل الموضوعات الكتيرة هو اللي بيخلي العضو مميز ؟ لا بالعكس ما يميز العضو هو قوة ردوده في المواضيع , يا جماعة ما شرط كل يوم ننزل مواضيع بالطريقة دي بنهمش مواضيع مهمة فعلاً
هل كثرة المشاركات بالكم ام بالكيف؟
لماذا السباق على رفع عدد المشاركات؟
لماذا كل تفكير الأغلبية برفع عدد المشاركات؟
أتمنى أن أجد ردود مقنعة
أنا من ناحيتى ما بحب أرد على كل المواضيع أنا من النوع بحب يقرأ إذا كان الموضوع ممتاز ويستحق الرد طبعا بشارك برأيي
أتمنى من الكل المشاركة وبكل صراحة
تقبلوا تحياااااتي ,,,
ميدو أبوقرون
الإثنين فبراير 22, 2010 12:50 am من طرف القروي
موضوع: بدون مقدمات ياجماعه عايزة اقول ليكم شي مهم 
