[b]اتركوا أصحاب الاسماء المستعارة يعبرون بطريقتهم عن ما بدواخلهم [/b]

السلام عليكم ورحمة الله وبركاته

أعضاء المنتدى الكرام رأيت منذ مدة قصيرة بعض الأعضاء يشنون هجموماً عنيفاً على أصحاب الأسماء المستعارة يعني الموضوع دا بقى عن بعض الأعضاء ديل أخطر من موضوع الارهاب زاته ورأيت رداً من أحد الأعضاء يصف أصحاب الأسماء المستعارة بالكذابين أنا ما عارف الموضوع دا بقى شغلهم الشاغل أي واحد يجي يدخل يرمي كلمتين ويطلع بس عاوز أفهم دا عدم موضوع ولا الواحد بيكون فاضي وتهف ليهو يجي يفرق زهجوا في الجماعة ديل ويطلع , أنا بس عاوز أسأل سؤال : هل في واحد من أصحاب الأسماء المستعارة أساء التصرف والأدب أو قام بتجريح أو سب أو ما إلى ذلك مما يجعلكم تشنون هجماتكم وعباراتكم التي لا ترحم كبيراً ولا صغيراً ؟؟؟ هسي وصفهم الأزهر بالكذابين بالحديث
شوفوا الردود دي عشان ما تقولوا جايبه من راسي في موضوع الاسماء المستعارة وبعدين كل واحد يرقد على الجمبة اللي بتريحه ولو في ناس ما بيشعروا بالراحة بالتعامل مع اصحاب الاسماء المستعارة ما مجبورين ولو كمان بيشوفوا الاسماء المستعارة ما ليها داعي دا رايهم الشخصي , ما تراه جميلاً قد لا أراه جميلاً أنا عن نفسي أنتقد كل من قام بالمشاركة في هذا الموضوع وبصراحة لو كان الاسلوب كدا أسمحوا لي من هسي أنسحب من المنتدى دا ولا شوفوا ليكم حل يا أعضاء الإدارة
- - - - - - - - - - - - - - - - - - - - -
الازهر يوسف عثمان عكاشه في الأربعاء سبتمبر 30, 2009 11:35 pm
لارتاح ابد عندما اتعامل مع الاسماء المستعاره
نرجو ان نعرف من نتعامل معهم
ليس هنالك سبب يدعوا لاسماء المستعاره
والله المستعان

مازال الرجل يكذب ويتحرى الكذب حتي يكتب عند الله كذاب

شكرا
- - - - - - - - - - - - - - - - - - - - -
بس نفسي أعرف كذبوا في شنو ؟؟ يعني كلام في غير موضعه تماماً , ولو إنت شايف الأسماء المستعارة دي ما مناسبة تحاول تتكلم بشيء مقنع وبي اسلوب وبي حسن لردك لكن بي طريقتك دي بتزيد الطين بله , في عبارة جميلة جداً أتمنى كلنا نعمل بيها (( من اشتغل بالناس مات هماً )) يا جماعة ارحموا من في الأرض يرحمكم من في السماء ...
يا جماعة في ناس هنا يمكن بيخجلوا من الإنتقاد لأنو الشخص قريبهم أو كدا أو ما بيقدروا يعبروا عن مشاعرهم إلا لو كانوا متخفين أو يمكن إنهم بيشوفوا نفسهم بيقدروا يبدعوا ويخرجوا ما بدواخلهم من أراء وأفكار وردود ومشاركات ويقدروا على الانتقاد بكل صراحة بعيد عن المجاملة , نحنا في النهاية هدفنا المشاركة الهادفة والتواصل وإننا نفيد بعض ونستفيد من خبرات بعض ومن المواضيع اللي بتطرح مش كدا وبس ونحاول نغير نفسنا وسلوكنا ونحسن من أسلوبنا قبل ما نفرض كلامنا على غيرنا , يا جماعة بيهمنا كل زول يعبر عن ما بداخله حتى ولو كان في البداية كلامه محدود لكن مافي واحد كامل والكمال لله نحنا بنتعلم من بعض والدنيا بتعلمنا والناس للناس والكل بالله , ليه نحنا ما نخلي كل واحد يعبر عن ما بداخله بطريقته التي يختارها ما دام ما فيها لا سب ولا تجريح ولا شتم ولا إساءة لأي واحد مننا , بس بحب أطمن الناس اللي قاموا بي الهجوم على أصحاب الاسماء المستعارة إنو نحنا كلنا من قرية واحده وكلنا أهل ومستحيل واحد فينا يقوم بتجريح أو شي غير لائق على أخوه لأنو ما في زول بيرضى الاساءه لي نفسه ...
أعضاء منتدانا الكرام تذكروا جيداً قبل أنا نكون أعضاء فإننا إخوة وأهل دعونا نتكاتف ويدعم كل منا الآخر بالرد الجميل وقول العبارات التي تشجع ترفع من معنويات الأعضاء وتجعلهم يبدعوا أكثر فأكثر لا مانع من الإنتقاد لكن بالأسلوب الذي يتقبله كل فرد منا ... نعم ننتقد ونشارك ونرد ونحفز كل من أبدع ونشجع الإبداع والأفكار والآراء بعيداً المجاملات و بعيداً التحيز لشخص معين ...
وأخيراً : أعضاء منتدانا الكرام قد صُمم المنتدى للتواصل والمحبة والاستفادة ولم يجعل للتجريح أو للمضايقه
كلنا خطائون ولكن خير الخطائون التوابون أعذروني على صراحتي الشديدة وعلى شدة لهجتي بس دا كلوا عشان نرفع من مستوى منتدانا ونحسن من أسلوبنا ومعاملتنا مش بس في المنتدى لا حتى في حياتنا كلها نحاول نستفيد بقدر الإمكان من المواضيع اللي بتطرح ونطبق ما فيها عشان نغير حياتنا ونطور من شخصياتنا ... في نهاية كلامي سامحوني لو قصرت ونبهوني لو أخطأت وذكروني لو نسيت ومافي إنسان معصوم من الخطأ أنا عن نفسي بقول لي أصحاب الاسماء المستعارة عبارة (( من عرف نفسه فلا يهمه كلام الناس فيه )) وعبروا عن آرائكم كما تشاؤون وانا أولكم ومعكم لكن في حدود الاحترام .....

أشكركم جزيل الشكر ... ولكم مني فائق الاحترام والتقدير ... أتقبل أي انتقاد أو رد يوجه إلي بصدر رحب

تقبلوا تحياااااتي ,,,,
ميدو أبوقرون

كلامك مية مية يا ميدو أبوقرون

س انا عايزة افهم شي الدخل الحديث الشريف بتاع الكزب باالاسم المستعار شنو ؟؟؟؟

هههههههه ولا أي علاقة ...أنا شايفه إنو السؤال عن الأسماء المستعارة مجرد شمار لا اكتر ولاا أقل ,

دي حرية شخصية , واالهدف من المنتدى الأساسي الثقافة,ووالاهتمام بأقرون وتطويرا ,وبالصورة دي احنا زاتنا ماا حنتطور الا نخلو الشمارات االابتودي لا بتجيب ...

ياميدو ياريت تدينا اسمك الحقيقي
بس الاسماء المستعارة دي للبنات

ههههههههههههههه عرفتك ياميدو من خلال تجوالي في بعض المواضيع

ابوعبيده كتب:: ياميدو ياريت تدينا اسمك الحقيقي
بس الاسماء المستعارة دي للبنات

السلام عليكم ورحمة الله وبركاته
الأخ العزيز / أبوعبيدة
في البداية أشكرك على مرورك وطلتك على موضوعي وأشكرك على الرد الجميل
دا اللي بيعبر عن فهمك للحياة ويا ريت لو نتعلم منك أكتر من كدا ,
ما دام إنت فاهم إنو الاسماء المستعارة للبنات ...
دا فهمك إنت وكل زول ليهو فهم بطريقته الخاصة
على العموم زي ما قالوا الفهم قسم

تقبلوا تحيااااتي ,,,,
ميدو أبوقرون

بيشو كتب:: كلامك مية مية يا ميدو أبوقرون

س انا عايزة افهم شي الدخل الحديث الشريف بتاع الكزب باالاسم المستعار شنو ؟؟؟؟

هههههههه ولا أي علاقة ...أنا شايفه إنو السؤال عن الأسماء المستعارة مجرد شمار لا اكتر ولاا أقل ,

دي حرية شخصية , واالهدف من المنتدى الأساسي الثقافة,ووالاهتمام بأقرون وتطويرا ,وبالصورة دي احنا زاتنا ماا حنتطور الا نخلو الشمارات االابتودي لا بتجيب ...

بيشو ما أسعدني و انا هنا أرى مشاركتك في موضوعي
أشكرك على مرورك العذب وعلى مشاركاتك
المميزة في مواضيع المنتدى
لكي أرق وأعذب التحايا

تقبلوا تحيااااتي ,,,
ميدو أبوقرون

اخوتي واخواتي

نصيحة الفرد غالباً ما يكون الأفضل فيها والأتم أن تكون في
السر بينك وبينه ، وأما نصيحة العموم إذا فشا أمر فالخطيب يريد أن يذّكر ، والعالم
يريد أن ينبّه ، والناصح يريد أن يحذّر .. لا بأس ! ولكن ذلك - وإن كان معلناً -
لكنه يكون للعموم بصيغة العموم ، كما كان النبي - عليه الصلاة والسلام - يذكر فيها
وينصح على الملأ ، ولكن يقول : ( ما بال أقوامٍ يفعلون كذا وكذا ) .ثم لست في حاجة
أن أقول : " فعل فلان " أو أن أصف وصفاً يعلم الناس كلهم أن المقصود به فلان ابن
فلان ، فذلك لم يعد نصيحة بل فضيحة .

ولذلك مثل هذه المواصفات أو الصفات له أثرها في أن تكون
النصيحة على الوجه المطلوب ، نسأل اله سبحانه وتعالى أن يوفقنا لأرشد الآراء وأصوب
الأفعال ، وأن يجعل ذلك العمل كله خالصاً لوجهه الكريم ، إنه ولي ذلك والقادر عليه
.
أقول هذا القول وأستغفر الله العظيم لي ولكم من كل ذنب فاستغفروه إنه هو
الغفور الرحيم .