تعالوا جادعوا يا أهل السدار

مصطفي ابوقرون كتب:

المحاسبي سعد ابوقرون كتب:: الزول الخلوق متواضع دائما وصافي
ردك لينا كرم ومرحب بيهو وحاتي
كلامك حررم كلو حكم وكلو قولا حالي[/color]
ومابنوفيك حقك لو قلنا الف والف قوافي
يحميك ربي ان شاء الله في الغربه بي اولادك ودوام متعافي[/size]

الزول الجميل ممتاز في النميم و قوافي
كلامو جميل أيضاً ضميره صافي
ما بقد أوفيك حقك مهما بالغت في أوصافي
حــســن و المحاسبي .. سلاااام و عواااااافي

الليله مصطفى ادانا شكر الافي

الزول الكريم بي شعرو ديما يجاري
بنقول ليك نحن مابنستاهل القوافي
لكن التحيه ليك وليك الف عواافي

[QUOTE=أبو الريش;419963][color:0631="DarkRed"][SIZE="5"]السمحة ام وجن زي جيدا ما عاصرنا
أم قرقد مكلق في وصفو كم احترنا
فوق صدرك قنابل رصاص كشح كسرنا
دركان في الغرام كيفن نفوتو قدرنا[/QUOTE]

[SIZE="5"][color:0631="Purple"]
السمحه ام وجن و جيدا عامل رجا
ام قرقد مكلق ماهو القصير القجا
من عذابك يا ربي اسلم وانجا
لي ليم الحبيب بي غنايا يوت أترجي

[/SIZE][/size]

[QUOTE=mohamed merghani;420028"]السمحة ام وجن خدودا جهرو الشافا
ام طيبا عبق في الجو كوليتا وشافا
الجيد النضير خلّي المريض يتشافي
يا ريتني في الاحلام الثم لوامي خشاف

الجاهله ام عجن وخدودا فيها زهور
ام طيبآ عبق في الجو وأحيا الشعور
شوف جيدا الجميل خلي السليم مسحور
ليت في الأحلام أشوفا وأبقي جد مسرور

السمحه ام عجن في الضلمه نايرة خد
من ديسآ نزل أخفي الكتيف والقد
رمان الصدير هالكني عاد بالجد
ومن بعد الوداع يا حليلي مت كمد

السمحه ام وجن و خدودها لصافا
ام ديسآ نزل شفناهو فات أنصافا
قنابل صدرك ال للقلوب قصافا
ام لهجآ عسل ياناس بدور إنصافا

الزول الطبق قلبي في يمنو سمحه الحنه
بي ريدو وغرامو ما قاللي مره وحنّ
الخلانا بي شعرو الجميل نتغني
تليفون غرامو في قلبي مسكل و رنّ

ود القرجي كتب:: هاجرنا يا مولانا وفي الهجره شفنا وضقنا
شفنا الدنيا وعلوما ومع الجديد دردقنا
وضقنا فيها المره وبقينا في البمرقنا
شاقونا الحنان الريدم شديد خانقنا

كتر في النميم زين بي غناك وسجعو
الصيد الفي البطانه ضاربني زايد وجعو
لو شافوهو ديل والله كان رجعو
و ما كان للبعيد الليله سافرو نجعو

حسن المهلاوي كتب:: هو كِدَا ياراقي الحروف ياذوقنا
إجَازْةَ الصيف تَفَرِّحْنا وْتَجَدِّدْ شوقنا
بِينْ اَهلينا يَتْلَمُّو الحبايب فوقنا
بي عَذْب الحديث نطرب نَرَوِّج سوقنا

بعد الليل حلك و ضو الصباح قرب لي
الشوق للصحاب بيهو قليبي دايمآ مبلي
مولانا حــســن شوقك أكيد سببلي
ضيق و زهج و توهان دوام صاحبلي

كتر في النميم زين بي غناك وسجعو
الصيد الفي البطانه ضاربني زايد وجعو
لو شافوهو ديل والله كان رجعو
و ما كان للبعيد الليله سافرو نجعو[/quote]

بعد غيبتو الطَّويلة السَّبَبَتْ لِي مخافة
رجع فارسنا زايد في العبارة لطافة
الشَّالت منامك وُسَوَّت الطفطافة
بَدْعِيلَكْ تَشُوفَا أو تَشُوف من شافَا

المحاسبي سعد ابوقرون كتب:: مسداري مازي ناسا فيهو شبو وكبرو

مسداري زي الاطفال الدابم بحبو

قلت النجر معاكم بي لساني واكبو

واوريكم الشعور الجواي واطلقو

في بدايتو الشعر مرات بكون ما أزهر

زي خط القلم .... كلما تعيــده بيظهر

اقرا .. و فتتش المعنى الجميل المظهر

وبعد ما جيتنا .. أوعك من تغيب ما تظهر

عبده إدريس كتب:

المحاسبي سعد ابوقرون كتب:: مسداري مازي ناسا فيهو شبو وكبرو

مسداري زي الاطفال الدابم بحبو

قلت النجر معاكم بي لساني واكبو

واوريكم الشعور الجواي واطلقو

في بدايتو الشعر مرات بكون ما أزهر

زي خط القلم .... كلما تعيــده بيظهر

اقرا .. و فتتش المعنى الجميل المظهر

وبعد ما جيتنا .. أوعك من تغيب ما تظهر

ابشر ياود ادريس ردك لينا فرحنا
بحر السدار نحن لاقدرو ولاقدرنا
مابنلحقكم حتي لو كتبنا وكتبنا
بحر السدار طويل مابنفعنا مركب ولو جدفنا
لكن من بحرو بي كوزنا دابنا شربنا

حسن المهلاوي كتب:: كتر في النميم زين بي غناك وسجعو
الصيد الفي البطانه ضاربني زايد وجعو
لو شافوهو ديل والله كان رجعو
و ما كان للبعيد الليله سافرو نجعو

بعد غيبتو الطَّويلة السَّبَبَتْ لِي مخافة
رجع فارسنا زايد في العبارة لطافة
الشَّالت منامك وُسَوَّت الطفطافة
بَدْعِيلَكْ تَشُوفَا أو تَشُوف من شافَا[/quote]

بعد غيبتو الطويلة السببت لنا خوفه

رجع فارسنا و عباراته نايره حروفه

الشالت منامك و ما عرفت ظروفه

بدعيلك تخابره أو تفوز بي شوفه

[/quote]

في بدايتو الشعر مرات بكون ما أزهر

زي خط القلم .... كلما تعيــده بيظهر

اقرا .. و فتتش المعنى الجميل المظهر

وبعد ما جيتنا .. أوعك من تغيب ما تظهر[/quote]

لَمَّا أشَدَّتَّ بيك ما كنتَ ليكَ مجامل
خبير في القافية والأوزان وبحرَكْ كامل
ردَّك للمحاسبي عليك دليلا شامل
شكريا أصيل ماكْ المضَبْلِنْ خامل

المحاسبي سعد ابوقرون كتب:: الليله مصطفى ادانا شكر الافي

الزول الكريم بي شعرو ديما يجاري
بنقول ليك نحن مابنستاهل القوافي
لكن التحيه ليك وليك الف عواافي[/size]

[/quote]

كلمات سدارك يا أخونا عسلاً صافي
تستاهل تكون رفيق درباً معاجمو قوافي
في سبك الحروف حيّرتَ لي أوصافي
و تحيتك مقبوله يا أبْ ضميراً صافي

حسن المهلاوي كتب:: بعد غيبتو الطَّويلة السَّبَبَتْ لِي مخافة
رجع فارسنا زايد في العبارة لطافة
الشَّالت منامك وُسَوَّت الطفطافة
بَدْعِيلَكْ تَشُوفَا أو تَشُوف من شافَا

تسلم يا حسن حروفك جاتني فايحه أعرافا
زولي الراقي الجميل أبْ سبيب وقيافه
خلاني السماحه ال غيرو كلها أعافا
و من سلّة سيوف عينو الكحيله مخافه

عبده إدريس كتب:: بعد غيبتو الطويلة السببت لنا خوفه

رجع فارسنا و عباراته نايره حروفه

الشالت منامك و ما عرفت ظروفه

بدعيلك تخابره أو تفوز بي شوفه

يا عبده الوجيه لي أعداك تكون الخوفه

وزولتي الجميله متمني و الله أشوفا

تجيك بي مهل و الخصر باري لي دوفا

خلّت قلبي يتململ بي كيّه لي مخلوفه

ستين في إسم الجميل أوّل حرف

تلاتين و أربعين بي حبو بجهر و أعترف

زيدن عشرة أوعك تميل أو تنحرف

لو حليت اللغز لي زولي بتكون عِرف

سِتين الجميله علينا سوّت فوتا

أربعين بي وراها روحو بقت مكفوته

ساكنه فؤادو جُوّه مصوّره و منحوته

يرجف و يرتعش لو مرّة يسمع صوته

الزول الطبق قلبي و مشابو و فات

مخضوب الأصابع أتلع جيدو في اللفتات

آسر قلبي بالطلّه .. قوامو والنظرات

شيخنا حسن المهلاوي دوبي جيب نمات

بعــــد غيبة على منتداكم مريت
راجعت قولكم السمح دوبيت
معاني سمحة بشرت فوقا وهزيت
ومعاكم للمسدارانا يادابي بديت

مستجد

مصطفي ابوقرون كتب:: ستين في إسم الجميل أوّل حرف

تلاتين و أربعين بي حبو بجهر و أعترف

زيدن عشرة أوعك تميل أو تنحرف

لو حليت اللغز لي زولي بتكون عِرف

سَلِّمْ (ل)ي علي سِتَّ الحروفِ سلام
وزيدَا سلام ونَقِّصْ من حروفي اللام
الشَّاغِلْ فؤادك وسبَّبْ الآلام
رايق حالي فاهم وزاكي خاتِي ملام

ابو هاجر عثمان كتب:: بعــــد غيبة على منتداكم مريت
راجعت قولكم السمح دوبيت
معاني سمحة بشرت فوقا وهزيت
ومعاكم للمسدارانا يادابي بديت

مستجد

ااهلا وسهلا يا ابوهاجر ومرحب بيك
اانا زاتي معاك في المسدار دابي بديت
لكن محاولتك طيبه البيها رديت
وارمي يا الخال للمسدار خلي الناس تتكلم بيك

حسن المهلاوي كتب:: [/

لَمَّا أشَدَّتَّ بيك ما كنتَ ليكَ مجامل
خبير في القافية والأوزان وبحرَكْ كامل
ردَّك للمحاسبي عليك دليلا شامل
شكريا أصيل ماكْ المضَبْلِنْ خامل

بإشاداتك .. أحرجت .. وتزايد خـجلي
ومن عدم الرضا بالجاي زاد بي وجلي
ما بيوافي أفضـالكم .. جواب بي عجل
يجمعنا الكريـــــم .. و نراك قبل الأجل

ابو هاجر عثمان كتب:: بعــــد غيبة على منتداكم مريت
راجعت قولكم السمح دوبيت
معاني سمحة بشرت فوقا وهزيت
ومعاكم للمسدارانا يادابي بديت

مستجد

حبابك ميه مرحب وانت سيد البيت
من أول بداية ظهرتَ بي تثْبيت
واصل في السدارواكتب صباح ومبيت
رصين حرفَك وراقي حاشا مو شِخْبِيت

ابو هاجر عثمان كتب:: بعــــد غيبة على منتداكم مريت
راجعت قولكم السمح دوبيت
معاني سمحة بشرت فوقا وهزيت
ومعاكم للمسدارانا يادابي بديت

مستجد

مرحبتين حبابك عثمان الجميل
حبابو عشّاي الضيوف و أصيل
حبابو أبْ مسداراً لطيف و جميل
حبابو .. حبابو أبْ لهجاً عسيل

حسن المهلاوي كتب:: سَلِّمْ (ل)ي علي سِتَّ الحروفِ سلام
وزيدَا سلام ونَقِّصْ من حروفي اللام
الشَّاغِلْ فؤادك وسبَّبْ الآلام
رايق حالي فاهم وزاكي خاتِي ملام

حليت اللغز يا الجميل و وسيم
مافي غيرك بحلّو يا حسن ابراهيم
و من حب سلمي والله صرت سقيم
كيف حالك حسن .. ليك سلام تعظيم

حسن المهلاوي كتب:: سَلِّمْ (ل)ي علي سِتَّ الحروفِ سلام
وزيدَا سلام ونَقِّصْ من حروفي اللام
الشَّاغِلْ فؤادك وسبَّبْ الآلام
رايق حالي فاهم وزاكي خاتِي ملام

ستين الجميله في بالي قاعده حضور
يا حسن كلامك حلو فـيـه عطور
شاحد ربي ليك بالصحه يوت موفور
و يكرمك الإله و تنعم بالحسان الحور

عبده إدريس كتب:: بإشاداتك .. أحرجت .. وتزايد خـجلي
ومن عدم الرضا بالجاي زاد بي وجلي
ما بيوافي أفضـالكم .. جواب بي عجل
يجمعنا الكريـــــم .. و نراك قبل الأجل

جبت السدار يا عبده حالي بديع
جبت القول سمح ليك سلام تربيع
ومن العشق يا عبده أنا كدت أضيع
يا عبده .. ده رداً مستعجل سريع

تعال يا عبده أحكي لي بي أحوالك
و قول لي كمان إسم الشغل بالك
ربنا يحفظك في حِلك كمان ترحالك
بس . داير أقول في حبيبك السرّالكِ

ابو هاجر عثمان كتب:: بعــــد غيبة على منتداكم مريت
راجعت قولكم السمح دوبيت
معاني سمحة بشرت فوقا وهزيت
ومعاكم للمسدارانا يادابي بديت

مستجد

مرورك سر بالنا .. ومن زمان راجنًك
ما اتـشاوفـنا .. لكن زول ثـقافـة أظنك
وكلما ألقى زول... استفـسر أسأله منك
ابوهاجر ده زول راقي و ظريف ومحنًك

في السدار إنتكيت فوق عنقريب هبّابي
و إتحكّرت تب راجي نم أصحابي
الهمبريب ضارب ذكرني لي أحبابي
و في ناس السدار بالحيل يزيد إعجابي

مخضوب البنان كم غارن منّو البنات
في اللون والقوام حاوي لكل الصفات
جلبطن الكِريم و بقن الجضوم فايرات
كان يصلن مداهو كانن من الفرح طايرات

الزول الطبق قلبي .. جميل وظريف
طبعتو في البنات زي نسمه عِز الصيف
مادام بي طلّتو الجميله دايماً بِعدل الكيف
الممكون من غرامو وروني يعمل كيف ؟

كل البنات في حِيره من مخصور الضمير
ممشوق القوام شايقني و الله كتير
بنُّوت الفريقعِرفنو زولي خطير
فاتن للفلاتي و ربطنُّو في جناح طير

الليله الغرام نيرانو عامله البدعه
أعزروني إنْ كِير نميمي و بقالي طبعه
في ريد ناس فلانه الليله واقع وقعه
من شوقي الكتير خايف أموت بالخلعه

-البارح و- أنا في وسط الخلوق و اللمّه
شُفتَ صيده جميله أخلاقا فوق القِمّه
يا صيدة الخلا بيك النفوس مهتمّه
من شُفتك .. يمين كل المزاج إنتمَّ

الليله الغرام نازل علي مطبوق
يا قلبي ال بِِفرفر أصبر شويه و روق
مادام زولي بعيد وعقبان هلكني الشوق
حتماً بلاقيها الراقيه ست الذوق

مصطفي ابوقرون كتب:: تعال يا عبده أحكي لي بي أحوالك
و قول لي كمان إسم الشغل بالك
ربنا يحفظك في حِلك كمان ترحالك
بس . داير أقول في حبيبك السرّالكِ

يابو صطيف وديدي حلفت ما اصرح بو

داك توب العفاف و التقوى متلفح بو

كلما اطراهو دمع العين يلملم سحبو

و فرة بسمه بتسر الكبار و البحبو

مصطفي ابوقرون كتب:: في السدار إنتكيت فوق عنقريب هبّابي
و إتحكّرت تب راجي نم أصحابي
الهمبريب ضارب ذكرني لي أحبابي
و في ناس السدار بالحيل يزيد إعجابي

مصطفي ابوقرون كتب:: في السدار إنتكيت فوق عنقريب هبّابي
و إتحكّرت تب راجي نم أصحابي
الهمبريب ضارب ذكرني لي أحبابي
و في ناس السدار بالحيل يزيد إعجابي

وسع لي شوي .. يا خوي أقعد جمبك

وجيب الجبنة .. كان تشفي لي قلبي الحمْبك

من الناس تضاري الريد شديد زي ذنبك

لسانك ما بقول .... إلا العيون بوشن بك

عبده إدريس كتب:: يابو صطيف وديدي حلفت ما اصرح بو

داك توب العفاف و التقوى متلفح بو

كلما اطراهو دمع العين يلملم سحبو

و فرة بسمه بتسر الكبار و البحبو

قمر السبعتين هالكني ديمه بي حبو
شايل قلبي فريع البان و بقي يلعبّو
يا عبده نار الريد زايد لي لهبو
مالك قلبي إسماً ما بصرّح بو

عبده إدريس كتب:: وسع لي شوي .. يا خوي أقعد جمبك

وجيب الجبنة .. كان تشفي لي قلبي الحمْبك

من الناس تضاري الريد شديد زي ذنبك

لسانك ما بقول .... إلا العيون بوشن بك

مُسدارك جميل حرَّم في أعلي مكانه
بي جيتك حتَّ حروف السدارفرحانه
من شوفة حروفك كل النفوس طربانه
عبده أخوي تعال حجزت ليك جنبي خانه

الشوق الكتير قاسم القلب نُصين
نُص في فلانه تاه ..والتاني بعرفو وين
عِن ناس السدار تايه قبُل شهرين
تسلم يا عبده و الله مشتاقين

بعد فراق الاهل والغربة هادي الشوم
الزول البريدو جافاني وشال معاهو النوم
لوما تم المراد ونرجع حبايب دوم
اخير اقع البحر وانا ماااااااااااا بعرف العوم

انس محمد حسن كتب:: بعد فراق الاهل والغربة هادي الشوم
الزول البريدو جافاني وشال معاهو النوم
لوما تم المراد ونرجع حبايب دوم
اخير اقع البحر وانا ماااااااااااا بعرف العوم

مالك يا أنس شايفك كتير مهموم
من قسي الغربه قول يا حي و يا قيوم
الزول الجميل الشال من العيون النوم
لحاظ عيونو قذايف تضرب لا عِن بلود الروم

حسن المهلاوي كتب:

ابو هاجر عثمان كتب:: بعــــد غيبة على منتداكم مريت
راجعت قولكم السمح دوبيت
معاني سمحة بشرت فوقا وهزيت
ومعاكم للمسدارانا يادابي بديت

مستجد

حبابك ميه مرحب وانت سيد البيت
من أول بداية ظهرتَ بي تثْبيت
واصل في السدارواكتب صباح ومبيت
رصين حرفَك وراقي حاشا مو شِخْبِيت

مشكور مولاي إنت التميّز عنوانك
فهم وعلم وتواضع ظاهر في بيانك
قولك حروفو من نور مرسومة ببنانك
تبقى لينا نبراس وندرس من ديوانك

عبده إدريس كتب:

ابو هاجر عثمان كتب:: بعــــد غيبة على منتداكم مريت
راجعت قولكم السمح دوبيت
معاني سمحة بشرت فوقا وهزيت
ومعاكم للمسدارانا يادابي بديت

مستجد

مرورك سر بالنا .. ومن زمان راجنًك
ما اتـشاوفـنا .. لكن زول ثـقافـة أظنك
وكلما ألقى زول... استفـسر أسأله منك
ابوهاجر ده زول راقي و ظريف ومحنًك

ردّك سر بالي وأكد لي العارفو عنّك
انك لبيب وأصلك شكري .. محنّك
وجاهز تب للمجادعه والمسادير البيجنّك
وأكان حيين بتلاقى.. الله لا خيّب ظنّك

عيني عليكم باااااردة يا الشباب والشيب
في المسادير قولكم .. سمح ... وعجيب
للغربة كملتو النمّ .. وحيرتو الفهيم لبيب
قلت نجادع فى المسدار ويبقى لي نصيب

مصطفي ابوقرون كتب:

عبده إدريس كتب:: وسع لي شوي .. يا خوي أقعد جمبك

وجيب الجبنة .. كان تشفي لي قلبي الحمْبك

من الناس تضاري الريد شديد زي ذنبك

لسانك ما بقول .... إلا العيون بوشن بك

مُسدارك جميل حرَّم في أعلي مكانه
بي جيتك حتَّ حروف السدارفرحانه
من شوفة حروفك كل النفوس طربانه
عبده أخوي تعال حجزت ليك جنبي خانه

إتْ مسدارك أجمل .. وأعلى شان بأمانه

وبركـة المنـتـدى الزيـن الجمــيـل لمـانــا

غرد ..نم ..وقول.. خلي الخلوق نشوانه

وأوقات الفراغ و الزهجة .. ولى زمانه

عبده إدريس كتب:: يابو صطيف وديدي حلفت ما اصرح بو

داك توب العفاف و التقوى متلفح بو

كلما اطراهو دمع العين يلملم سحبو

و فرة بسمه بتسر الكبار و البحبو

الوفا للحبيب شُغْل العُزاز وُأَصايل
ما بْلوكوه ويصبح مشتهر قول قايل
مدسوس في الفؤاد مقفول عليهو الفايل
أبْ طبعا رقيق موهو الطفيق المايل

انس محمد حسن كتب:: بعد فراق الاهل والغربة هادي الشوم
الزول البريدو جافاني وشال معاهو النوم
لوما تم المراد ونرجع حبايب دوم
اخير اقع البحر وانا ماااااااااااا بعرف العوم

كَفَاك غَرَقَ الغرام خَلَّي البحر لي الشُّوم
وعيش مع طيفو ساهر ديمه سيب النوم
بَشُوفْ لَكْ واسطة وادعو الواحد القيُّوم
يِرَقِّقْ قلبو.. يرحم قلبكْ المَكْلوم

» تعالوا نتعرف علي بعض
» تعالوا اسمعوا الدوبيت ده