منتدانا

موضوع: منتدانا الأربعاء أكتوبر 21, 2009 10:12 am

اليوم الصَّباح جاني الكلام معقول
وصف المنتدى فَكَّرْتَ فيه نقول
بي شوقا شديد ندخل وفيه نجول
لمّانا الجميع عاطلنا والمشغول

موضوع: رد: منتدانا الأربعاء أكتوبر 21, 2009 10:20 am

تسلم يا أنس كبّرت لي ديوانك
وسّعت الفراش لمّيت جميع اخوانك
بي نور العلم مولانا عظم شانك
جمّعت الفضائل وفقتهم أقرانك

موضوع: رد: منتدانا الأربعاء أكتوبر 21, 2009 10:24 am

باب نادينا مفتوح لي القريب والجار
والزول الغريب ترحيبنا بيهو شعار
الضيف العزيز لو جانا باستمرار
يلقانا الضيوف، وإياه ربّ الدار

موضوع: رد: منتدانا الأربعاء أكتوبر 21, 2009 7:25 pm

في نادينا جَنْبَكْ تلقى الطبيب والقاضي
يَجوكْ ناس النُّكَتْ تضحكْ وهمَّكْ فاااضي
من ناسنا الكُبار تَعْرِفْ حقايقَ الماضي
بَسْ أَعرِفْ تعال قطعا بِتَمْرُقْ راضي

موضوع: رد: منتدانا الخميس أكتوبر 22, 2009 10:16 am

في نادينا تلقى اخْوانَّا والأخَوات

شِبَّانَّا الأسود لوطنَّا باقية حمات

بناتنا يزغردن توب العفاف لابسات

مرحبْ بيك تعال في أحلى منتديات

موضوع: رد: منتدانا الثلاثاء أكتوبر 27, 2009 7:15 am

مما سمعنا بيكَ جميعنا عندك مــــال

لا لامًـانا دنيـا و لا مصـالـح و مـال

جيــــنـا مشمرين .. سايقانا ليك آمال

نشوف حلًَتنا في نهضة ونعيم وكمال

موضوع: رد: منتدانا الثلاثاء أكتوبر 27, 2009 10:19 am

عبده إدريس كتب:: مما سمعنا بيكَ جميعنا عندك مــــال

لا لامًـانا دنيـا و لا مصـالـح و مـال

جيــــنـا مشمرين .. سايقانا ليك آمال

نشوف حلًَتنا في نهضة ونعيم وكمال

لقيت ياعبده ناسا يعجبوك في الطَّلَّة
لقيت سردوب وآل القرجي وابن عطا الله
لقيت المصطفى الشاعر سفير الحِلَّة
وما ناسي البقية بَجِيبَا بي إِذْنَ الله

موضوع: رد: منتدانا الثلاثاء أكتوبر 27, 2009 12:55 pm

من منتدانا لاصحاب الشأن تعظيم سلام وتحيّة
لانس واخوانه في الادارة لجمعنا عقدو النيّة
ربطونا مع الاهل برابط ووصّــلوا للرحمية
لو الوقـــت مكنّا تلقونا صـبااااح وعشــــــيّة

موضوع: رد: منتدانا الثلاثاء أكتوبر 27, 2009 3:11 pm

ما بنْسى المدير الشاب حفيد فضل الله

أنس وحذيفة والموسوم علِي نَبْيَ الله

يونس... وثُمَّ طارق أحْفَظمْ يا الله

من عين الحسود ...والْمَا ذَكَرْ إِسم الله

موضوع: رد: منتدانا الخميس أكتوبر 29, 2009 8:39 pm

يجوك من دنقلا أولاد ابشرا الفاهمين
عمر وابوعبيدة يِقولْ ليكَ مشكوووووريييييين
يسلموووووو دائما مِنَ البلا والعين
يَسْطَعْ نَجْمَهُم في بلادنا قول آآآميييييين

موضوع: رد: منتدانا الخميس أكتوبر 29, 2009 9:00 pm

كيفِنْ أنسى لي نجم الرياض السَّاطع

ميدونا الحريف الحرفو دايما ماتع

أبوهو معاويه كان في الحُجَّة سيفا قاطع

هذا الشبل من ذاك الشُّجاع الرَّاتِع

موضوع: رد: منتدانا الجمعة أكتوبر 30, 2009 2:09 pm

ابوهاجر عثمان كتب:: من منتدانا لاصحاب الشأن تعظيم سلام وتحيّة
لانس واخوانه في الادارة لجمعنا عقدو النيّة
ربطونا مع الاهل برابط ووصّــلوا للرحمية
لو الوقـــت مكنّا تلقونا صـبااااح وعشــــــيّة

أبوك ياهاجر يِستاهلْ قصيدة براااااااهو
أبْ قلماً سنيناً كلّ يوم يبراهو
في كل الأماكن والزمان تبراهو
عنايَةْ ربنا الْخَلَقَ الأنام وبراهو :

موضوع: رد: منتدانا الجمعة أكتوبر 30, 2009 2:16 pm

ابوهاجر عثمان كتب:: من منتدانا لاصحاب الشأن تعظيم سلام وتحيّة
لانس واخوانه في الادارة لجمعنا عقدو النيّة
ربطونا مع الاهل برابط ووصّــلوا للرحمية
لو الوقـــت مكنّا تلقونا صـبااااح وعشــــــيّة

ابوك ياهاجر استاهَلْ قصيدة بَرَاهُو
أب قلماً سنينا كل يوم يبْراهو
في كلّ الأماكن والزمان تبراهو
عِنايةْ ربنا الْخَلَقَ الأنام وُبَرَاهو

موضوع: رد: منتدانا الإثنين نوفمبر 09, 2009 1:19 pm

تطلع من غَرِبْ في آخر الأزْمان
شمسَ الكون صِنِعْةَ الواحد الرحمان
شَمْسَ الجيلي سطعت من هناك الآن
يُؤَانْسَكْ بالقضا وعَدْلَ النَّبي سليمان

موضوع: رد: منتدانا الإثنين نوفمبر 09, 2009 7:32 pm

فارساً بالفِكِرْ باَرَزْ غريمو وصَادَمْ

رحمة الله الحروفو جديدة ما بْتِتْقَادم

يناقش بي مَهَلْ كم سَلَّى لينا ونادَمْ

زاحْمَاهو الحِكَمْ في عقْلُو يوتْ تِتْرَادَمْ

موضوع: رد: منتدانا الثلاثاء نوفمبر 24, 2009 8:25 pm

الدكتور المهلاوي
اخجلت تواضعنا واثلجت صدرنا ورفعت معنوياتنا
انا طبعا قاعد امر باستمرارعلي الدوبيت ولكني لااملك موهبة الشعر وبالتالي امر مرور الكرام واخرج في صمت واحترام
وقد اعجبني جدا اسلوبكم